Colombianonan pega na Aruba por cuminsa regresa nan pais

BOGOTA – Colombianonan pega na Aruba por cuminsa biaha bek pa nan pais di awor te cu 15 di juni.  Asina e gobierno a informa. No obstante cu e frontera pa buelo comercial ta cera, lo autorisa e buelonan aki te cu luna di augustus. Entre e fechanan ey, un total di 29 buelo di character humanitario lo tuma lugar pa trece mas di 3 mil Colombiano bek pa Colombia. No ta conoci cuanto di e 3000 ey, ta pega na Aruba.  Fuera di ta pega na Aruba, tin tambe Surafrica, Luxemburgo, Belgica, Italia, Spaña, Reino Unido, Merca, Brasil y otros paises  Latino Americano. Di acuerdo cu protocolnan estableci, e tipo di buelonan aki ta opera pa aeroliñanan comercial y e gasto di e pasashi ta core pa cuenta di e biahero. Unabez cu nan yega nan pais, nan mester bay den cuarentana di 15 dia.