POR evaluando fecha nobo pa congreso pa eligi lider nobo

POR evaluando fecha nobo pa congreso pa eligi lider nobo

Posted on 06/1/2020 11:08 am AST | Updated on 06/1/2020 11:29 am AST

ORANJESTAD – Rumornan cu Otmar Oduber lo ta retirando awe dialuna como lider di partido POR, no ta completamente corecto. Asina e ainda lider di e partido a bisa noticiacla.com den fin di siman. E realidad ta si cu partido politico POR lo por tin un lider nobo pronto. E actual lider a confirma pa noticiacla.com cu enberdad lo mester a tuma lugar un congreso di partido unda cu mester a escohe un lider nobo. E congreso aki lo mester a tuma lugar di mei. Pero mirando e situacion di crisis di COVID-19, esaki no a sigui. “Riba conseho di partido mester dicidi kon ta sigi dilanti” Oduber a bisa. “Ami semper lo tey pa sostene y guia partido, te caminda ta necesario y deseable”.

E SITUACION

Segun Oduber desde cu el a retira na december ultimo di su cargo publico como minister, nan a palabra den Conseho di Partido cu e lo keda fungi como presidente y lider di POR te e siguiente congreso, unda lo mester eligi esaki confirme estatutonan. “E congreso tabata planea pa tuma lugar final di mei y pa motibo di e crisis no por a bai door. Awo ta keda enberdad na partido (directiva y conseho di partido) pa dicidi e siguiente pasonan, mientras ta prepara un fecha nobo pa e congreso” Oduber a bisa. No tin fecha ainda pa e congreso aki tuma lugar. NOTA: e potret ta uno di archivo di noticiacla di 2018 di conferencia di prensa di partido POR. 

  • Figaroa: Proximo gobierno mester consisti di solamente vakministers

    Figaroa: Proximo gobierno mester consisti di solamente vakministers

    ORANJESTAD – E lider politico hoben di e partido politico Direccion Politiea Leonardo Figaroa , ta pensa cu den e proximo gobierno, e lidernan politico di e partidonan den coalicion no mester bira minister sino bay den Parlamento. Y mester forma e gobierno cu solamente 7 minister y tur mester ta vakminister, esta no politico. Cu esaki, Leonardo ta pensa cu mester ‘kibra tradicion’. 

  • Minister na Merca ta lobby cu banconan pa fia 160 miyon dollar

    Minister na Merca ta lobby cu banconan pa fia 160 miyon dollar

    WASHINGTON – Minister di finanza di Aruba Xiomara Maduro a cuminsa lobby cu varios banco Mericano e siman aki, pa logra haya un fiansa di 160 miyon dollar. E mandatario a confirma cu e ta na Merca pa ‘atende e IMF Spring Meetings na Washington DC’, unda cu e ta ‘probecha pa reuni cu diferente banco pa por haci e preparacionnan necesario pa Aruba por subi mercado internacional pa por cubri e necesidad financiero di Aruba’. Algun di e banconan cu e mandatario a lobby cu ne pa purba haya fianza, ta  JP Morgan, Standard Charter, Citi Group y Santander. Durante e lobbymento, e tin cu convence e institutonan financiero di tur loke ta pasa na Aruba y pa prueba cu Aruba tin un ‘stabilidad financiero cu ta brinda e confiansa na inversionista’. Segun e mandatario, e ta un suma cu ta wordo ‘refinancia’ di e debenan internacional existente cu ta madura. ‘ Como ta refinancia, esaki no lo crece e debe di Pais Aruba’, e mandatario a sigura bisando. 

  • Wever: Fin di di dos cuartaal 2024, centro di Oranjestad ta haya mas luz

    Wever: Fin di di dos cuartaal 2024, centro di Oranjestad ta haya mas luz

    ORANJESTAD - Despues di e instalacion inicial di 50 luz aña pasa, ta intensifica e esfuerso pa mehora e visibilidad y seguridad den nos centro di ciudad cu instalacion di 100 palo di luz adicional nobo den nos centro di ciudad. E proyecto aki ta parti di e strategia holistico di revitalisacion di Oranjestad pa crea un ambiente mas sigur y atractivo pa tur su habitantenan, bishitantenan y empresarionan.

  • Minister Glenbert Croes a sobrevivi un mocion di desconfiansa

    Minister Glenbert Croes a sobrevivi un mocion di desconfiansa

    ORANJESTAD – Cu 12 voto contra, y 8 pro y uno abstene, Parlamento a vota contra e mocion di desconfiansa contra e minister encarga cu inmigracion, Glenbert Croes. E mocion tabata entrega pa partido MAS y AVP Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.

  • Partido MAS a entrega mocion di desconfiansa contra minster Glenbert Croes

    Partido MAS a entrega mocion di desconfiansa contra minster Glenbert Croes

    ORANJESTAD – Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.

  • Mas di 2 mil habitante di Aruba, Corsou y St Maarten por vota den eleccion parlamentario Europeo

    Mas di 2 mil habitante di Aruba, Corsou y St Maarten por vota den eleccion parlamentario Europeo

    DEN HAAG/ORANJESTAD - Personanan ku nashonalidat hulandes na Aruba, Kòrsou i Sint Maarten ku dia 6 di yüni tin 18 aña òf mas por vota pa elekshon di Parlamento Oropeo di 2024. Pa hasi esaki e mester registrá su mes komo votadó na e munisipio di Den Haag, no mas tardá ku djaweps 25 di aprel 2024. Por registrá fásilmente ònlain. Riba e wèpsait www.stemmenvanuithetbuitenland.nl por haña mas informashon i e formulario di registrashon. 

  • Zulo
  • Varadero
  • Postobon
  • Powered by SETAR