CBA: Cantidad di placa den circulacion a expande na maart 2020

CBA: Cantidad di placa den circulacion a expande na maart 2020

Posted on 05/29/2020 4:29 pm AST | Updated on 05/29/2020 4:31 pm AST

ORANJESTAD -  Compara cu februari 2020, e cantidad di placa den circulacion a crece cu Afl. 11.0 miyon te na Afl. 4.700,6 miyon den e luna di maart 2020. Esaki a resulta for di un subida den tanto e reserva di divisa netto (+Afl. 8,1 miyon) y den e activo domestico netto (+Afl. 2,9 miyon). E reserva di divisa di e sector bancario a subi causa pa e compra netto di divisa for di publico (+Afl. 198,7 miyon), principalmente relaciona cu entrada genera for di turismo. Esaki a wordo grandemente neutralisa pa benta netto di divisa na publico (-Afl. 190,6 miyon), mas tanto relaciona cu pago pa importacion di mercanci?a y otro servicionan. 

 

E expansion den e componente domestico pa cu e cantidad di placa den circulacion ta relata na aumento den tanto credito domestico (+Afl. 2,7 miyon) y den transaccionan no relata na credito (+Afl. 0,2 miyon). Esaki a wordo causa door di aumento den credito bancario netto na e sector publico (+Afl. 16,2 miyon) y un bahada den credito bancario na e sector priva (-Afl. 13,5 miyon). Credito na empresa (-Afl. 15,7 miyon) y credit na consumidor (-Afl. 0,8 miyon), mientras cu hipoteca pa vivienda a subi (+Afl. 2,8 miyon). 

 

INFLACION 

 

E nivel general di prijs, cu ta wordo midi door di e indice di prijs di consumo, a registra un subida di 3,5 porciento den e luna di maart 2020, compara cu maart 2019. E contribuyente principal na e aumento aki tabata e componentenan “Recreacion y Cultura” y “Cuminda y Bebida No-Alcoholico”. Pa loke ta trata e promedio anual di e tasa di inflacion, esaki a registra 4,6 porciento na maart 2020, mescos cu na februari 2020. 

 

ENTRADA DI GOBIERNO 

 

Entrada total di gobierno a suma Afl. 76,2 miyon na maart 2020, cual ta Afl. 8,5 miyon menos cu e mesun luna di e an?a anterior. Esaki a resulta for di bahada den entrada di impuesto (-Afl. 8,4 miyon) y den entrada no relata na impuesto (-Afl. 0,1 miyon). 

 

E caida den entrada di impuesto a wordo causa principalmente pa menos entrada for di impuesto riba entrada (- Afl. 2,5 miyon), impuesto riba importacion (-Afl. 2,1 miyon), impuesto riba salario (-Afl. 1,6 miyon), accijns riba cerbes (-Afl. 1,4 miyon) y accijns riba likeur (-Afl. 1,3 miyon). Di otro banda, entrada for di impuesto riba ganashi (+Afl. 1,7 miyon) y accijns riba tabaco (+Afl. 1,1 miyon) a nota un subida. 

 

TURISMO 

 

Tuma nota cu e cifranan di turismo di estadia no tabata disponibel na momento di publicacion di e relato aki. 

 

Pa mas informacion of un analysis mas detaya, bishita nos website (www.cbaruba.org) of tuma contacto cu e Departamento di Estadistica di Banco Central di Aruba, tel. +297 5252100, e-mail [email protected] 

 

 

  • CMB: Sea consciente di email maligno:

    CMB: Sea consciente di email maligno:
  • BCA: Resistencia di sector financiero na Aruba a keda firme, no obstante COVID-19

    BCA: Resistencia di sector financiero na Aruba a keda firme, no obstante COVID-19

    ORANJESTAD - Awe Banco Central di Aruba (BCA) ta publica su FINANCIAL SECTOR SUPERVISION REPORT 2019. BCA ta e unico autoridad supervisorio di e sector financiero na Aruba. E “Financial Sector Supervision Report” ta un rapport prepara segun ley, y presenta na Minister di Finansas prome cu 1 di juli tur an?a. Den e rapport aki BCA ta duna un bista di su actividadnan principal cu el a ehecuta y decisionnan mas importante cu el a tuma riba e tereno di maneho durante di e an?a concerni den e implementacion di e ordenansanan di supervision, incluyendo e leynan pa preveni y combati labamento di placa y financiamento di terorismo. E rapport aki ta describi tambe e accionnan principal tuma door di BCA pa sigui reforsa e marco legislativo y regulatorio. Banda di un resumen di e ultimo desaroyonan riba e tereno internacional di supervision, ta discuti e desaroyonan principal den e sector financiero domestico.

  • Aruba a habri su man pa ricibi su bishitantenan internacional bek awe

    Aruba a habri su man pa ricibi su bishitantenan internacional bek awe

    ORANJESTAD – Mientras cu awe frontera di Aruba ta habri pa paisnan di Europa, Canada y Caribe (excepto Haiti y Republica Dominicana), ta te diasabra e prome avion comercial ta yega, manera cu noticiacla.com a raporta ayera. Esey no a kita afo cu Aruba ta ‘celebrando’ e momento aki menos. Cu hopi aviso, video y mensahe, for di gobierno te na stakeholdernan, por a nota un ola di mensahe positivo dirigi na e momento importante aki.  For di e pagina di Facebook di aeropuerto di Aruba, e portal aki a tuma un video promocional pa e mercado Europeo, unda cu na e idioma Hulandes, ta yama e turista biahero bon bini. 

  • Diasabra numa prome buelo comercial Europeo ta yega Aruba

    Diasabra numa prome buelo comercial Europeo ta yega Aruba

    ORANJESTAD – Aunke Aruba su frontera cu Canada, Europa y Caribe (cu excepcion di dos isla) ta habri diaranson awor, e prome buelo comercial internacional lo no yega Aruba sino te diasabra awor. E lo ta un buelo comercial di KLM cu lo yega Aruba dia 5 di juli 2020. Pues di diaranson pa diasabra, no tin ningun buelo comercial, fuera di buelonan entre islanan ABC. 

  • Grupo di ciudadano a manifesta nan malcontento riba FASE

    Grupo di ciudadano a manifesta nan malcontento riba FASE

    ORANJESTAD – Un grupo di ciudadano a manifesta nan malcontento riba FASE dialuna mainta. Nan malcontento ta pa e hecho cu nan no a logra ricibi ainda yudansa den forma di FASE. Ministernan President, Asunto Social y esun di Finanza a scucha e manifestantenan nan preocupacion y a ricibi nan carta cu nan puntonan cu ta pidi atencion pa nan. “Gobierno ta trahando duro pa asina por brinda e alivio necesario y lo atende tambe cu e preocupacionnan treci dilanti y lo busca pa sa kiko ta locual ta pone cu e grupo no a logra haya FASE”, minister Xiomara Maduro a bisa e manifestantenan awe mainta. 

  • Diasabra awor por busca plach’i number den forma di Drive-Thru

    Diasabra awor por busca plach’i number   den forma di Drive-Thru

    ORANJESTAD – Departamento di Impuesto (DIMP) ta participa cu e otorgamento di plach’i number 2020 na publico en general ta sigui diasabra awor, dia 27 di juni 2020, den forma di Drive-Thru. Pues publico lo no baha for di nan auto. Tur cliente cu tin e number A-14501 te cu A-20000 ta keda invita pa pasa libremente y busca e plachinan di number. 

  • Powered by SETAR