Colegio Arubano ta cla pa ricibi su alumnonan dialuna

ORANJESTAD – Colegio Arubano ta habri bek entrante 1 di juni proximo. E scol sinembargo no ta habri cu tur grupo pareu, considerando cu tin 1180 alumno cu no ta hacie examen. Como tal a opta pa habri e scol den fase. Cada un seccion tin su dia y orario specifico.  

CICLO BASICO 1 EN 2 / HAVO 3 EN VWO 3.

Di dialuna 1 di juni pa dialuna 8 di juni, klasnan di Ciclo Basico 1 y 2, havo-3 y vwo-3 tin les na scol di 8’or pa 12’or. Ta cuater les di 1 ora. E klasnan lo wordo reparti den grupo 1 y 2. E reparticion lo wordo manda segun email di scol pa e alumnonan. E rooster tambe lo wordo manda via mail. 

HAVO 4, VWO 4 Y VWO 5

Havo 4, vwo-4 y vwo-5  ta haya les di diamars 9 di juni pa diabierna 19 di juni na scol. Aki tambe lo reparti e klasnan den dos grupo y lo manda e reparticion via email pa e alumnonan. Pa nan tambe lo manda e protocol.

LESNAN ONLINE Y TOETSEN

E lesnan online lo sigui mas hopi cu ta posibel den tur klas. E klasnan bovenbou ta haya les online, si e klasnan onderbouw ta na scol y visa versa. Lo tin algun overlapping pero si esey ta e caso e docente en cuestion lo informa e alumnonan. 

E toetsnan planea y presentacion, tambe ta sigui, sea fisicamente of digital. 

CP-WEEK

Durante siman 26 (dialuna 22 di juni pa diabierna 26 di juni) tur klas ta cera e aña escolar cu un CP-week. Algun vak ta cera e aña escolar ya caba den e simannan prome cu CP-week, cu un orden y of presentacion. Lesa e protocol AKI.