Magna Global: 14% di Mericano encuesta, cla pa biaha pa Caribe mesora

Magna Global: 14% di Mericano encuesta, cla pa biaha pa Caribe mesora

Posted on 05/29/2020 10:27 am AST | Updated on 05/29/2020 10:31 am AST

MIAMI – Ora cu Aruba habri frontera atrobe proximamente, ta un grupo chikito di mericano lo ta cla y dispuesto pa biaha pa e direccion aki. Por lo menos asina un encuesta grandi ta mustra. Segun e encuesta di Magna Global, Apenas 14.4% di e 1995 mericanonan encuesta, ta cla pa subi avion y bula bin Caribe y posiblemente Aruba asina frontera habri bek. Pero di e grupo ey, e mayoria (28.7%) kier warda prome pa ora cu tin un vacuna. Y segun tempo sigui, e grupo ta varia. P.e. pa December e grupo aki ta aumenta te na 16.8%.

HOTEL Y RESTAURANT

Loke tambe ta interesa ta cu mientras cu tin un grupo limita di persona pa biaha pa Caribe, e mesun grupo si ta interesa pa come na restaurant mesora (26.9%). Esnan cu kier biaha mesora, tambe ta hacie, pero contal cu ta na un hotel chikito (menos cu 200 camber) . E grupo aki ta basta grandi (72.5%). Un grupo mas chikito, (27.5%) ta dispuesto pa keda den un hotel grandi di 500 camber of mas. Mester bisa si cu tin hopi mas diferente encuesta haci, di cual e resultadonan ta varia. Den e raporta aki, a usa esun di e compania Magna Global. Lesa e raportahe completo AKI

  • CMB: Sea consciente di email maligno:

    CMB: Sea consciente di email maligno:
  • BCA: Resistencia di sector financiero na Aruba a keda firme, no obstante COVID-19

    BCA: Resistencia di sector financiero na Aruba a keda firme, no obstante COVID-19

    ORANJESTAD - Awe Banco Central di Aruba (BCA) ta publica su FINANCIAL SECTOR SUPERVISION REPORT 2019. BCA ta e unico autoridad supervisorio di e sector financiero na Aruba. E “Financial Sector Supervision Report” ta un rapport prepara segun ley, y presenta na Minister di Finansas prome cu 1 di juli tur an?a. Den e rapport aki BCA ta duna un bista di su actividadnan principal cu el a ehecuta y decisionnan mas importante cu el a tuma riba e tereno di maneho durante di e an?a concerni den e implementacion di e ordenansanan di supervision, incluyendo e leynan pa preveni y combati labamento di placa y financiamento di terorismo. E rapport aki ta describi tambe e accionnan principal tuma door di BCA pa sigui reforsa e marco legislativo y regulatorio. Banda di un resumen di e ultimo desaroyonan riba e tereno internacional di supervision, ta discuti e desaroyonan principal den e sector financiero domestico.

  • Aruba a habri su man pa ricibi su bishitantenan internacional bek awe

    Aruba a habri su man pa ricibi su bishitantenan internacional bek awe

    ORANJESTAD – Mientras cu awe frontera di Aruba ta habri pa paisnan di Europa, Canada y Caribe (excepto Haiti y Republica Dominicana), ta te diasabra e prome avion comercial ta yega, manera cu noticiacla.com a raporta ayera. Esey no a kita afo cu Aruba ta ‘celebrando’ e momento aki menos. Cu hopi aviso, video y mensahe, for di gobierno te na stakeholdernan, por a nota un ola di mensahe positivo dirigi na e momento importante aki.  For di e pagina di Facebook di aeropuerto di Aruba, e portal aki a tuma un video promocional pa e mercado Europeo, unda cu na e idioma Hulandes, ta yama e turista biahero bon bini. 

  • Diasabra numa prome buelo comercial Europeo ta yega Aruba

    Diasabra numa prome buelo comercial Europeo ta yega Aruba

    ORANJESTAD – Aunke Aruba su frontera cu Canada, Europa y Caribe (cu excepcion di dos isla) ta habri diaranson awor, e prome buelo comercial internacional lo no yega Aruba sino te diasabra awor. E lo ta un buelo comercial di KLM cu lo yega Aruba dia 5 di juli 2020. Pues di diaranson pa diasabra, no tin ningun buelo comercial, fuera di buelonan entre islanan ABC. 

  • Grupo di ciudadano a manifesta nan malcontento riba FASE

    Grupo di ciudadano a manifesta nan malcontento riba FASE

    ORANJESTAD – Un grupo di ciudadano a manifesta nan malcontento riba FASE dialuna mainta. Nan malcontento ta pa e hecho cu nan no a logra ricibi ainda yudansa den forma di FASE. Ministernan President, Asunto Social y esun di Finanza a scucha e manifestantenan nan preocupacion y a ricibi nan carta cu nan puntonan cu ta pidi atencion pa nan. “Gobierno ta trahando duro pa asina por brinda e alivio necesario y lo atende tambe cu e preocupacionnan treci dilanti y lo busca pa sa kiko ta locual ta pone cu e grupo no a logra haya FASE”, minister Xiomara Maduro a bisa e manifestantenan awe mainta. 

  • Diasabra awor por busca plach’i number den forma di Drive-Thru

    Diasabra awor por busca plach’i number   den forma di Drive-Thru

    ORANJESTAD – Departamento di Impuesto (DIMP) ta participa cu e otorgamento di plach’i number 2020 na publico en general ta sigui diasabra awor, dia 27 di juni 2020, den forma di Drive-Thru. Pues publico lo no baha for di nan auto. Tur cliente cu tin e number A-14501 te cu A-20000 ta keda invita pa pasa libremente y busca e plachinan di number. 

  • Powered by SETAR