Personal di CNN deteni durante disturbio na Minneapolis

MINNEAPOLIS  – Mei mei di e disturbionan pa motibo di morto di un ciudadano di color na Merca, George Floyd  durante un detencion, un ekipo periodistico di e canal di television CNN a keda deteni awe mainta. E morto a causa disturbio na e ciudad for di algun dia caba. Y e ekipo di CNN tabata den pleno raportahe en bibo, ora cu diripiente polis a bin pa detene e grupo. Ora cu a puntra e polisnan bisti na riot commando, pakico nan ta wordo deteni, no por a haya contesta. E noticia di detencion di e ekipo periodistico, a bira noticia riba su mes, internacionalmente. Mientrastanto e periodista Omar Jimenez y su ekipo a recobra nan libertad.