Lampe: Envez di para proyectonan, lo cuminsa dialoga cu docentenan

ORANJESTAD – Minister Rudy Lampe no ta mira cu e tin cu para su proyectonan di enseñansa manera cu varios parlamentario a pidi durante e reunion diamars riba enseñansa. Segun e mandatario, esaki ta pasobra awor ta bay inicia e dialogo cu esnan riba e tereno aki. Si para e proyectonan, e ora no tin sentido pa tin dialogo. Como tal e mandatario a sigura cu esaki no ta necesario. No ta conoci si esaki kier men cu mientras cu e ta dialoga, ta pone e proyectonan ‘on hold’ pa haya input di e docentenan durante e dialogo. 

CAMBIA ORARIO DI SCOL

A mustra cu e plan pa tin algun dia so di scol ora cu aña escolar habri, por bira un problema debi cu mayornan tin cu traha. Pero segun Lampe, aki tambe a splica cu e idea ey ta parti di e plan B, en caso tin un di dos ola di COVID-19. E ora ey lo implementa e regla ey di tin algun dia di sdocl y e resto pasa na cas. Pero no ta algo cu ta algo cu ta bay tuma lugar sigur. Si no tin un di dos ola, e ora e plan B no lo ta necesario.