Grupo di 16 cabesante kier minister president intermedia contra minister Lampe

ORANJESTAD - Un grupo di 16 cabesante di scolnan na Aruba a pidi prome minister e siman aki pa para e implementacion di plan di corta gasto den enseñansa publico pa aña escolar 2020/2021. Y ta pidi pa para esaki te ora cu tin un reunion cu e grupo di cabesante. ezamen verenigd in het Hoofden Overleg Openbaar Onderwijs. E grupo di cabesante ta mustra cu varios di e motibonan pa e cambionan di e minister, no ta cuadra. Sigur e parti di fusion entre scolnan.  

DESACUERDO

Segun e cabesantenan, e scolnan cu ta poni pa uni cu otro, no a bay atras den cantidad di alumno. Esey tabata un di e condicionan cu a pone esaki. Segun e grupo, e situacion ta net contrario unda cu e klasnan ta yenando cada aña mas lihe. Tambe ta contradeci cu e nivel di calidad di enseñansa ta abou riba e tipo di scolnan aki. E aña aki ta net scolnan MAVO a lora score mas halto riba examan. 

COMUNICACIONTambe ta toca e tema di comunicacion unda cu ta mustra cu e minister su forma di comunicacion ta di un solo direccion. A mustra cu e minister ta comparti su plan cu e tin, via prensa prome, y despues ta spera un cooperacion completo di e tereno di enseñansa. A mustra tambe cu e grupo di cabezante no tin necesidad pa sigui cu su plan di corta gasto, y sigur no pa bay fuseer scolnan cu e minister kier fuseer.  Y finalmente, cu e crisis di Corona, e aña 2020/2021 no ta e aña ideal pa implementa e cambionan sugeri. Lesa e carta completo AKI.