AVP a entrega mocion di desconfiansa contra minister Lampe

ORANJESTAD – Fraccion di partido AVP den Parlamento a entrega un mocion di desconfiansa contra minister di enseñansa Rudy Lampe diamars merdia. Segun e mocion, e mandatario a viola varios decision cu e.o. Parlamento a tuma y pone nan un banda. Como tal, nan a ‘dicidi’ cu nan ta retira e confiansa den e minister di enseñansa Rudy Lampe. 

E MOTIBONAN

Segun e mocion, Parlamento a dicidi na 2018 cu no ta permiti e minister actual pasa scolnan publico bou di fundacionan priva.  Pero practica ta mustra cu e mandatario a haci lo contrario. “Di e manera aki e minister  ‘deliberadamente’ a pone deseo di Parlamento un banda y a continua cu su plan pa independisa enseñansa na Aruba. Esaki segun e mocion, a resulta di ta contra boluntad di cuerpo di maestronan. Esaki ta algun di e puntonan den e mocion. Manera ta custumber, na final di e reunion, lo vota riba e mocion. Por wak e mocion AKI.