Albertus: Minister no kier hala atras di su decisionan tuma pa enseñansa

ORANJESTAD - Riba peticion di un grupo den comunidad cu ta desea di ricibi e vacuna di Johnson & Johnson, DVG a pidi Hulanda un cantidad di 2.500 dosis pa brinda e grupo aki e oportunidad pa scohe pa e vacuna aki. E vacuna di Johnson & Johnson “Janssen”, mescos cu Pfizer ta aproba dor Advisory Committee on Immunization Practices (ACIP); Center of Diseases Control (CDC); Food Drugs Administration (FDA)  di Merca y European Medicaments Association (EMA) na Europa. E vacuna di Johnson & Johnson ta consisti di un solo dosis y ta traha abase di e technologia e biotecnologia moderno unda cu ta haci uzo di un virus no activo (vector) cu tin den dje instruccionnan genetico specifico pa nos celnan genera e proteina Spike (“S”) no infeccioso pa stimula e curpa pa reacciona y produci anti-curpa protector contra COVID-19. E vacuna aki no tin e virus SARS-CoV-2 y NO por causa COVID-19. E vacuna di Johnson & Johnson tin un efectividad di minimal 66% contra COVID-19 engeneral y ta proteha 85% contra forma grave di COVID-19. Esaki ta poco menos cu Pfizer, pero ta ideal pa e grupo di meta cu no tin condicion di salud. Johnson y Johnson ta activo contra e Covid-19 variantenan cu ta circulando na e momento aki rond mundo.

ORANJESTAD – E lista di espera di Bureau Sostenemi y Directie Voogdijraad areduci significantemente. Asina esnan di Sociaal Crisis Plan a informa diaranson den un comunicado. Segun SCP, nan ta den su ultima fase pa finalisa cu e prome raportahe di aña 2021. E raportahe aki ta tuma luga tur aña y ta cubri tur desaroyo di tur socio y tur proyecto activo. No obstante e pandemia di Covid-19 a logra acumula tur informacion pa asina por finalisa esaki.

ORANJESTAD - Diadomingo 20 di juni, un biaha mas mundo a celebra Dia di tata. Un dia unda ta dedica atencion y aprecio na tur tata pa e papel importante cu nan tin den bida di nan yiu(nan). Comision Derecho di Mucha (CDM) tambe ta uni na e dia di refleccion aki unda ta para keto na e tata cu su importancia ta visibel den e Tratado Internacional di Derecho di Mucha cu a keda aproba na aña 1989 y cu Aruba tambe a ta formalmente comprometi na dje desde aña 2001. Articulo 10 di e tratado ta menciona e importancia pa e mucha pa e tin un relacion cu su mayornan. Hasta den caso cu un di e mayornan ta biba den exterior. Den caso nan unda un mucha no ta biba cu un di su mayornan ta importante pa palabra con lo duna forma na e relacion pa medio di un bon contacto y uno structural. 

ORANJESTAD – Aruba Airport Authority N.V. (AAA) compania cu ta maneha y opera Aeropuerto Internacional Reina Beatrix (Aeropuerto di Aruba) orguyosamente a anuncia su logro mas recien, e “Airport Carbon Accreditation Level 2”. 

ORANJESTAD – E pregunta cu si partidonan politico mester por haya e asina yama ‘kiezersregister’ cu ta contene informacion di ciudadanonan, a keda trata den corte awe. Diaranson merdia huez lo dicta e sentencia,.  Noticiacla y Doc Opleiding kier sa kico bo ta pensa di e asunto. Como tal a traha un encuesta pa asina haya sa bo sentiment riba e asunto. Manera semper, bo participacion ta keda anonimo y e resultado ta wordo usa netamente pa motibo noticioso. Pa participa, click AKI. 

ORANJESTAD - Segun resumen di awe  , a registra total 4 caso nobo di Covid-19, di cual tur ta residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 364 test. 'Positivity rate' entre nos residentenan ta 7% y 3 persona a recupera.