Lui Larez ta bira di 3 morto di trafico di Aruba pa 2020

ORANJESTAD - Dialuna atardi pa mas o menos 6:20 central di polis a wordo notifica door di personal di IMSAN , cu un mucha homber di 15 ana a yega cu herida di bala na su man.  Central mesora a despacha patruya di polis pa IMSAN y recherche y slachtoffferhulp tambe a wordo poni na altura. Mesora, recherche a cuminsa cu su investigacion pa sa na kico  exactamante a tuma lugar y na unda . Mientrastanto e hoben a ser transporta pa hospital y su condicion  ta stabiel.  Cuerpo policial ta haci un apelacion na esnan cu sa algo of a wak algo pa jama e tiplijn di polis cu ta 11141. Bo ta keda anonimo

ORANJESTAD - Diahuebs anochi alrededor di 7:31 central di polis ta wordo notifica di un atraco riba U Win Lottery situa na Koningstraat. Na yegada di e prome patruya di polis por a bin compronde di e señora den e lugar di bende loteria cu un rato prome , un hende homber( 19 pa 20 aña) lo mester a drenta e lugar di lotto cu un arma di candela y atraca. 

ORANJESTAD – Den fin di siman y despues awe atrobe, popular columnista Rona Coster Cahan tabata victima di un tipo di ‘atentado’, unda cu sea un persona of personanan desconoci a tira cu bala di kelki riba su cas y auto y causa destruccion. “Mi no kier pensa cu e ta un atentado” Coster a bisa Noticiacla diamars. E la confirma cu e prome ‘atake’ tabata diadomingo mainta, riba su auto y otro area, y awe diamars, a tira atrobe pero e biaha aki riba su bentana di oficina. E no a penetra pasobra e tabatin ‘safety glass’, cu a proteha esaki. Diabierna tabatin e prome atake, pero e biaha ey e tabata riba cas di su bisiña. Pero mirando cu diadomingo y awe tabata riba dje specificamente, ta mustra cu e mes ta e blanco di e atakenan aki.  

ORANJESTAD – Polis a identifica e 5 personanan cu a keda deteni diamars atardi durante un razzia den Johan de Wittstraat en conexion cu un investigacion  andando unda cu a gara tambe basta droga.

CURA CABAY – Un incidente diamars mainta cu un trailer a laga un homber morto na Cura Cabay. Segun vocero policial Lito Lacle, tabata pa10.54am cu Central di Polis ta haya un melding cu un trailer lo mester a cay ariba un persona na un cas na Cura Cabay. Na yegada di patruya a bin constata cu e persona no ta reaccionando. Conhuntamente cu e personal di Brandweer ta logra saca e persona. 

ORANJESTAD - Durante un control di e taskforce combinacion cu Polis cu ta traha na e departmento di Sectie Bijzonder Verordening (SBV) di districto di Noord, a eherce diferente controlnan ariba negoshinan den horeca y a bin topa cu situacionan na algun Bar cu no por permiti.