Lui Larez ta bira di 3 morto di trafico di Aruba pa 2020

Lui Larez ta bira di 3 morto di trafico di Aruba pa 2020

Posted on 05/25/2020 6:48 pm AST | Updated on 05/25/2020 6:52 pm AST

ORANJESTAD - Luisan 'Lui' Larez a bira e di 3 morto di trafico pa Aruba pa 2020. Dialuna atardi noticiacla.com a haya confirmacion di vocero suplente di polis Liliana Rasmijn, cu Lui a fayece a consecuencia di e slanan cu el a ricibi di e accidente diasabra anochi cu ya caba a cobra un victima caba. Ora di e accidente, a bira conoci cu Lui su situacion tabata critico y tabata bringando pa su bida den cuido intensivo di hospital. Pero lamentablemente e no a sobrebibi. Noticiacla.com ta manda palabra di condolencia na famia di e fayecida. 

E ACCIDENTE

Vocero suplente di polis Liliana Rasmijn a confirma cu diasabra anochi pa 10:43 central di polis a wordo notifica di un accidente basta fuerte cu a tuma lugar riba e caminda di Piedra Plat  pa Sero Pita. Na yegada di patruya a pidi ambulance cu urgenciia miranda e gravedad di dos victima na e sitio. A pidi specialista di trafico , polis technico y tambe slachtofferhulp. Loke por a compronde cu aparentemente e nissan march color blanco numera A- 31587 a duna señal pa bira na man robez, e auto suzuki swift blauw numera A-37161 lo mester a bay pase y a dal frontal den un nissan march color licht biña numera A-71465. 

E chauffeur di e susuki swift personal di ambulance a trate pero lamentablemente no por a haci nada. Pa 11:25 dr Texier ta constata morto di Leonard Anthony Boekhoudt naci na Aruba 27 oktober 1985. Ta trata di un colega polis . E chauffeur femenino  Lui Larez den e auto march licht biña a wordo transporta cu maximo urgencia pa hospital y su situacion ta hopi grave y awe tardi pues a bin fayece. 

  • Hoben di 15 aña a yega IMSAN herida pa un tiro na su man

    Hoben di 15 aña a yega IMSAN herida pa un tiro na su man

    ORANJESTAD - Dialuna atardi pa mas o menos 6:20 central di polis a wordo notifica door di personal di IMSAN , cu un mucha homber di 15 ana a yega cu herida di bala na su man.  Central mesora a despacha patruya di polis pa IMSAN y recherche y slachtoffferhulp tambe a wordo poni na altura. Mesora, recherche a cuminsa cu su investigacion pa sa na kico  exactamante a tuma lugar y na unda . Mientrastanto e hoben a ser transporta pa hospital y su condicion  ta stabiel.  Cuerpo policial ta haci un apelacion na esnan cu sa algo of a wak algo pa jama e tiplijn di polis cu ta 11141. Bo ta keda anonimo

  • Homber arma a tira un atraco na U Win Lottery

    Homber arma a tira un atraco na U Win Lottery

    ORANJESTAD - Diahuebs anochi alrededor di 7:31 central di polis ta wordo notifica di un atraco riba U Win Lottery situa na Koningstraat. Na yegada di e prome patruya di polis por a bin compronde di e señora den e lugar di bende loteria cu un rato prome , un hende homber( 19 pa 20 aña) lo mester a drenta e lugar di lotto cu un arma di candela y atraca. 

  • Cas di popular columnista a bira blanco di atake cu bala di kelki

    Cas di popular columnista a bira blanco di atake cu bala di kelki

    ORANJESTAD – Den fin di siman y despues awe atrobe, popular columnista Rona Coster Cahan tabata victima di un tipo di ‘atentado’, unda cu sea un persona of personanan desconoci a tira cu bala di kelki riba su cas y auto y causa destruccion. “Mi no kier pensa cu e ta un atentado” Coster a bisa Noticiacla diamars. E la confirma cu e prome ‘atake’ tabata diadomingo mainta, riba su auto y otro area, y awe diamars, a tira atrobe pero e biaha aki riba su bentana di oficina. E no a penetra pasobra e tabatin ‘safety glass’, cu a proteha esaki. Diabierna tabatin e prome atake, pero e biaha ey e tabata riba cas di su bisiña. Pero mirando cu diadomingo y awe tabata riba dje specificamente, ta mustra cu e mes ta e blanco di e atakenan aki.  

  • Polis a detene 5 persona y haya basta droga durante razzia

    Polis a detene 5 persona y haya basta droga durante razzia

    ORANJESTAD – Polis a identifica e 5 personanan cu a keda deteni diamars atardi durante un razzia den Johan de Wittstraat en conexion cu un investigacion  andando unda cu a gara tambe basta droga.

  • Trailer ta cay ariba un homber na Cura Cabay, causando su morto

    Trailer ta cay ariba un homber na Cura Cabay, causando su morto

    CURA CABAY – Un incidente diamars mainta cu un trailer a laga un homber morto na Cura Cabay. Segun vocero policial Lito Lacle, tabata pa10.54am cu Central di Polis ta haya un melding cu un trailer lo mester a cay ariba un persona na un cas na Cura Cabay. Na yegada di patruya a bin constata cu e persona no ta reaccionando. Conhuntamente cu e personal di Brandweer ta logra saca e persona. 

  • Polis a sera La Oficina Bar, Lekker Restaurant y Yen Yen Restaurant den weekend!

    Polis a sera La Oficina Bar, Lekker Restaurant y Yen Yen Restaurant den weekend!

    ORANJESTAD - Durante un control di e taskforce combinacion cu Polis cu ta traha na e departmento di Sectie Bijzonder Verordening (SBV) di districto di Noord, a eherce diferente controlnan ariba negoshinan den horeca y a bin topa cu situacionan na algun Bar cu no por permiti.

  • Powered by SETAR