ORANJESTAD – E grupo Career IQ a keda satisfecho cu e prome cumbre virtual: Restart Conversations cu nan a tene recientemente. Durante e prome tres diasabranan den luna di mei miles di persona a sigui e prome cumbre virtual di Aruba organisa pa Career IQ. E meta principal di e conferencia virtual aki tabata pa crea oportunidad pa tene e discusionnan den e areanan di Economia, Entrepreneurship, Turismo, Innovacion y Comunidad. Naturalmente esaki a sosode teniendo na cuenta cu e situacion cu mundo y Aruba ta pasando aden cu Covid-19. Career IQ a logra stimula combersacion entre tur e participantenan pa pensa con pa por “restart” Aruba durante y despues di e crisis mundial aki. E cumbre virtual nan a haya bon aceptacion den comunidad, y Career IQ a haya hopi pregunta nan cu temp no a duna pa contesta nan. Pesey den Juni Career IQ lo sigui cu “Follow up Conversations” unda e pregunta nan aki lo haya nan espacio.
E cumbre virtual aki a culmina cu e di tres y ultimo parti cual tabata e sesion di innovacion y comunidad. Primeramente tabata tin un presentacion di Varelie Croes, cu ta Chief Innovation Officer di Gobierno di Aruba, riba e tema di innovacion na Aruba durante y despues di Covid-19.
Despues di esaki a sigui di biaha un discusion entre diferente profesional riba tereno di innovacion den sector priva y publico, unda nan a combersa riba e topico al caso cu moderacion di drs. Ryon Dijkhoff, miembro di e ekipo organisatorio di Restart Conversations Virtual Summit.
Ademas di esaki Darice Solognier co-fundadora di Career IQ a duna un presentacion cortico tocante e “15 ideas challenge” cu Career IQ book club a hay como reto di Simon Sinek, ecritor internacional, mediante un reto pa nos comunidad bin cu 15 idea nobo pa restart Aruba. Esaki a conta cu un participacion di nos comunidad cu 925 idea nobo. E mesun iniciativa aki a conduci na e siguiente paso pa Career IQ esta e Follow Up Conversations. Despues di esaki Kareline van der Linden co-fundadora di Career IQ a duna un resumen di tur tres diasabra y tur topico cu a discuti y asina tambe recorda e publico y e participantenan riba e tips valioso cu a comparti y tambe e pensamentonan discuti durante e diferente combersacionnan entre e panelistanan cu tabata invita pa participa.
Pa clausura e Restart Conversations Virtual Summit, Layhing de Kort-Yee segun Career IQ, a duna un presentacion hopi conmovedor, cu a inspira nos comunidad pa tuma accion positivo cu por yuda un otro den e temporada di incertidumbre cu nos ta aden.
Career IQ ta sumamente satisfecho di por a brinda un cumbre virtual pa prome biaha na e publico di Aruba cu segun nan, sigur tabata bon atendi y mira. “Despues di e cumbre virtual aki hopi participante y mirones a comenta di a keda inspira y sigur a haya motivacion pa haci movecion door di e programacion” e grupo a sigui bisa.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.