• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Mayoria docente Colegio San Nicolas ta contra pa cay bou de Schakel

ORANJESTAD – Colegio San Nicolas (CSN) no por cay bou di fundacion Onderwijs Combina (SOC) cu ta maneha De Schakel. Pio ainda, CSN no por cay bou di ningun fundacion. Asina un grupo di docente cu ta splica cu nan ta representa e mayoria y tambe trahado di CNS, a splica noticiacla.com recientemente. Si CSN mester cay bou di algo toch, laga esaki ta Directie Publieke Scholen (DPS). Asina e docentenan ta reacciona riba e decision di gobierno (lesa: minister Rudy Lampe) pa pone e scol cay bou di maneho di SOC. Y si e mandatario continua cu su plan toch, no ta descarta cu e scol lo por keda sin docente. E exigencia ta pa e minister ‘revoca’ e decreto ministerial riba e tema aki. 

SITUACION

Segun e docentenan cu a papia cu e portal aki, forzanan ‘externo’ semper a purba ‘label’ e scol como uno ‘di nivel mas inferior’. Y tabata durante periodo di rector Hans van Tuijl (cu a cuminsa na 2011) e tempo ey, cu a splits Colegio San Nicolas for di esun di Playa na 2013 y comberti e ‘dependance’ den un scol publico. E intencion tabata pa ‘elimina e appendix’ di e scol original (di Playa). E anuncio recien di minister a causa ‘consternacion enorme’ entre e docentenan segun e portal aki a compronde. Nan ta sinti nan mes literalmente ‘atraca’ pa decision di conseho di minister. Nan ta desapunta cu ningun momento a informa nan, ni laga nan participa den e decision aki. Loke no ta cuadra segun e docentenan, ta cu kier laga un fundacion (SOC) cu tin experiencia cu un grupo chikito, maneha un scol cu tin 4 biaha mas alumno y docente. Mientrastanto tin un carta di e scol, tin un MB y tin un declaracion di e minister y tur tres segun e docentenan, ta papia un idioma diferente di loke tin cu pasa. 

CULTURA DI SCOL

E docentenan ta sigura cu tin un cierto cultura na e scol, cu ta funcionando bon pa e alumnonan. Minister a bisa cu e motibo di e cambio, ta pa drecha e resultadonan di e scol. Pero segun e docentenan, e no ta cuestion di drecha e slagings percentage, pasobra tin mucho mas cos cu tin cu wak fuera di e punto ey. Asina mes, nan ta remarca cu p.e. e aña aki e slagingspercentage di CSN tabata 68% compara cu 66% di Colegio na Playa, pues e tabata miho. Pues esaki ta bisa hopi segun e docentenan.   E scol tin un ‘caracter’ unico, cu ta ofrece tur alumno un chens pa haya su diploma di HAVO. Entre nan, tin e loke ta yama HL trayect (loke tabata conoci como E-klas) unda cu esnan cu bin di p.e. MAVO, ta haya mas tempo pa procesa enseñansa na scol. E docentenan ta sigura cu nan ta dispuesto pa traha riba e mehoracion di e resultadonan, y no tin problema pa traha ‘hunto’ cu e fundacion pero no pa e fundacion. E alumnonan na e scol aki tin cultura y situacion financiero hopi mas differente compara cu esnan cu ta bay un scol priva manera De Schakel. Y esaki tin cu tene cuenta cu ne tambe, envez di djis wak e slagingspercentage so. Ademas e reglanan di aceptacion pa e scol (normering) ta diferente, unda cu alumnonan ta wordo tuma na e scol aki, cu otro caminda no ta haya entrada. Un scol manera CSN, no ta importa religion, placa y of otro asunto cu si ta perhudica e alumno na un otro scol. 

MANAGEMENT TEAM

E docentenan ta contra pa un management team maneha e scol entrante e aña escolar nobo, den e forma cu el a wordo anuncia. Asina mes, nan ta dispuesto pa acepta un management team, contal cu tin un miembro di nan (e docentenan) forma parti di dje. Pero no uno cu no tin ningun ‘zeggenschap’ den esaki. Nan ta sinti cu nan mes ta capaz pa forma un ekipo pa dirigi e scol. Cada biaha cu a pone un persona na cabez cu a bin di afo, esaki a crea discordia y intrankilidad segun e docentenan. 

DISCRIMINALoke finalmente a causa dolor, ta e anuncio riba e portal di de Schakel, unda cu e scol ta bisa e cambio ta ‘completamente los di nos scolnan na Noord y lo no tin efecto riba e calidad, e personal di enseñansa y e maneho di e scol basico De Schakel, het Schakel College y Peutergroep Prikichi. Como si fuera CSN ta un pester y cu mayornan di e alumnonan di de Schakel por ta trankil cu nan lo ta ‘leu’ di CSN su influencia. Nan ta considera esaki como discriminacion. 

MOCION

A referi tambe na un mocion cu parlamento di Aruba a tuma aña pasa unda cu ta prohibi pa pasa scolnan publico bou di un fundacion. Awor parce segun e docentenan en cuestion, cu via otro porta, minister Lampe kier impone su ideanan.

POSICION HURIDICO

Un punto cu tambe ta cuestionabel pa e docentenan, ta nan posicion huridico. Nan ta ambtenaar y como tal no por forza nan pa cambia pa un fundacion. E minister enberdad a duna nan un aña cu nan por keda asina, y cu e docentenan lo no tin cambio den nan posicion huridico. Pero e docentenan ta bisa cu esaki ta solamente e prome aña pero cu despues e cambio mester tuma lugar, esta cu e docentenan tin cu cambia pa e fundacion. Prome cu a pasa CSN pa gobierno na 2013, nan tabata cay bou di e fundacion SMOA cu tabata igual si como ambtenaar (semi) esta ‘gelijkgesteld. Awor nan ta volledig ambtenaar. E docentenan ta determina pa bringa e asunto aki unda cu si minister sigui cu e plan di cambio, por spera un exodus di docente, y no despues di un aña cu e cambio tuma lugar, sino ya for di comienso. Segun e docentenan, e palabra ta keda na e minister.