Agencianan di rating ta preocupa cu crisis di Aruba

ORANJESTAD – Instancianan di rating manera Fitch, Standard’s & Poor y IMF a cuminsa yama Aruba pa check kico ta pasando. Gobierno a confirma diamars na NoticiaCla cu e ta un precupacion serio pasobra a menasa caba cu nos situacion di ratings ta na peliger “E por tin consecuencia pa downgrading di nos pais”, Sevinger papiando na nomber di gobierno a sigui bisa, refiriendo na e incumplimento di pago di debe den exterior. “Nan (e ratings agencies: red ) ta nervioso y a yama y minister di Finanzas ta dunando nan informacion necesario. Pero nos ta na peliger”. Ta keda awo na e agencianan kico finalmente nan lo haci cu e ratings di nos isla.

Gobierno di Aruba a comunica cu Hulanda, bisando cu e unico hendenan cu por duna un bista riba e situacion financiero di pais Aruba ta e agencianan aki. Pesey e asuntonan financiero no ta wordo controla door di Hulanda sino door di e agencianan aki. “Standard & Poors a bisa nos pa cumpli cu e plannan cu boso a pone pa e proximo 4 añanan y lo no tin ningun problema pa pais Aruba. Nos lo sali pa dilanti” Sevinger a bisa.

Como tal gobierno no ta compronde e actitud di Hulanda cu no kier tuma e rapport di e agencianan aki como ‘benchmark’ di e situacion di Aruba, pero kier pone su hendenan (lesa CFT) pa controla e presupuesto di Aruba. “Pa colmo nan no kier ningun hende di Aruba. Pa nan esey ta dicidi kico ta sosode akinan. Nos ta kere den Reino, pero nos ta kere den vrijwillig samenwerking. Pero bo no por impone riba mi”. Sevinger tabatin un mensahe tambe pa Hulanda: Si gobierno di Aruba no coopera cu onderzoek di Hulanda of gobernador of ken cu ta, nos no ta bay manda ningun ley parlamento pa cambio. Como tal bo no por ehecuta nada. Pa Aruba, Standard & Poors tin e ratings di 2014 na BBB+/A-2' y e Outlook Reta stabil.