Aruba lo ricibi 38% di 1 miyon euro colecta pa Jandino Asporaat

AMSTERDAM – Aruba lo ricibi 38% di e 1 miyon euro cu e comediante y artista Jandino Asporaat a colecta recientemente den su show Samen Een Koninkrijk, destina pa combati crisis di coronavirus COVID-19. Asina e portal hulandes Trouw ta raporta. E resto ta bay pa Corsou (50%), y St Maarten (12%). Si sali di e punto di bista di cu e suma ta 1 miyon net, Aruba lo haya 380 mil euro. E fondo aki lo keda maneha pa Fundacion pa nos Comunidad (voedsel bank) di Aruba y Corsou tambe tin su fundacion similar, y na St Maarten e Bishop Ellis Foundation lo maneha esaki. 

E EVENTO

E evento mes a tuma lugar e luna aki riba NPO1, unda cu inicialmente a recauda mas di 600 mil euro. Pero ora cu e programa a caba, a keda haci donacion y finalmente e suma a surpasa 1 miyon euro. A dicidi e ora pa canalisa e reparticion di fondo via Curacaohuis. Y asina a yega na e proceso pa e fondonan yega e islanan respectivo.