Polis ta bira di dos morto di trafico di Aruba

ORANJESTAD - Aruba a conoce su di dos morto den trafico diasabra anochi. Vocero suplente di polis Liliana Rasmijn a confirma cu diasabra anochi pa 10:43 central di polis a wordo notifica di un accidente basta fuerte cu a tuma lugar riba e caminda di Piedra Plat  pa Sero Pita. Na yegada di patruya a pidi ambulance cu urgenciia miranda e gravedad di dos victima na e sitio. A pidi specialista di trafico , polis technico y tambe slachtofferhulp. Loke por a compronde cu aparentemente e nissan march color blanco numera A- 31587 a duna señal pa bira na man robez, e auto suzuki swift blauw numera A-37161 lo mester a bay pase y a dal frontal den un nissan march color licht biña numera A-71465. 

E chauffeur di e susuki swift personal di ambulance a trate pero lamentablemente no por a haci nada. Pa 11:25 dr Texier ta constata morto di Leonard Anthony Boekhoudt naci na Aruba 27 oktober 1985. Ta trata di un colega polis . E chauffeur femenino den e auto march licht biña a wordo transporta cu maximo urgencia pa hospital y su situacion ta hopi grave. E caso ta bao investigacion. Noticiacla.com y Cuerpo Policial ta manda palabra di condolencia na famia y tur coleganan di Cuerpo Policial.