Wever: Cortamento di salario ta 'tot nadere orde' pa henter sector publico

Wever: Cortamento di salario ta 'tot nadere orde' pa henter sector publico

Posted on 05/22/2020 3:24 pm AST | Updated on 05/22/2020 3:28 pm AST

ORANJESTAD — Cortamento di salario ta tot nadere orde pa henter sector publico. Asina prome minister Evelyn Wever Croes a recorda den un comunicado diabierna. Segun e mandatario, den ultimo dianan tin un discusion riba e cortamento di salario den sector publico di 12.6% pa trahadonan y 25% pa minister y parlamentarionan. Gobierno durante deliberacionnan cu sindicato desde maart y april a presenta un cortamento te cu 31 december 2020. Sindicatonan no a acepta esaki y a entrega un keho na Hulanda. E contesta di Hulanda a bin den un carta den cual ta papia di “tot nadere orde” en bes di 31 december 2020.

NO TIN DIFERENCIA

No tin un diferencia grandi entre e dosnan pasobra realmente ningun hende no sa ki dia e crisis ta pasa. E por ta prome cu 31 december pero e por ta despues tambe y den e caso ey lo mester hala e fecha pa un fecha mas despues anyway. Segun Wever, solamente un Gobierno cu un bola di cristal por anticipa cu exactitud e final di e crisis aki. 

MESTER A ACEPTA 

Gobierno di Aruba mester a acepta e condicion pa asina por haya e sosten di likides necesario pa paga su gastonan, pasobra e realidad ta cu entradanan di Gobierno a baha cu 80% y no ta cubri e gastonan mas.  “Y nos ta hopi satisfecho cu nos a logra haya e placa y por a paga salario di ambtenaar. No tabata tin tempo di perde sino no por a paga salario di ambtenaar e siman aki”, Premier Wever-Croes a duna di conoce. 

TOT NADERE ORDE

E fecha posponi nobo “tot nadere orde” ta conta pa tur hende den sector publico. Ministernan, Empleadonan di gobierno, di fundacionnan subsidia, di empresanan estatal. 

PARLAMENTO

“Pa Parlamento nos no por papia, pasobra Parlamento ta autonomo den e decision aki. Parlamento a pasa un ley pa corta nan salario cu 25% te 31 december 2020 prome cu Hulanda a pone e condicion “tot nadere orde”. Ta logico cu den e ley nan no por a tene cuenta cu ne. Pero mi ta sigur cu Parlamento lo duna sosten na esaki pa asina ta solidario cu pueblo”. 

PREOCUPA CU CORTAMENTO DEN AZV

Gobierno ta mas preocupa cu e condicion cu mester corta 5 miyon florin den AZV hustamente memey di e crisis di salud. Pero mirando e necesidad di 113.3 miyon florin pa paga salario di sector publico y salario y sosten financiero di 35 mil hende di sector priva e luna aki, ta logico cu a acepta e fiansa di 113.3 miyon y acepta pa corta 5 miyon florin. Awor tin estudionan ta wordo haci pa yega na e forma con lo por corta e suma aki sin causa daño na calidad di cuido di salud. 

EMPATICO CU 35 MIL PERSONA 

Premier Evelyn Wever-Croes a indica na sindicatonan cu tene cuenta cu wowo di henter Aruba y henter Reino ta riba nan. Nos mester ta mas empatico cu e 35 mil persona cu a perde entre 40% y 100% di nan entrada. Locual Premier ta haya bunita ta cu e mayoria di nos comunidad ta realisa cu esaki ta tempo pa mustra solidarismo y no egoismo. Lesa e carta di gobierno pa trahadornan riba e tema AKI

  • Encuesta: Marisol Lopez tin cu retira como minister of no?

    Encuesta: Marisol Lopez tin cu retira como minister of no?

    ORANJESTAD – Sra Marisol Lopez Tromp tin cu duna oido na e exigencia di e partido cu e forma parti di dje, POR, esta retira of keda como minister? Despues cu a surgi e polemica den partido politico POR diabierna, unda cu e partido ta pidi su propio minister pa retira, tur hende interesa den politica ta papia di e tema aki. Como tal Noticiacla.com a crea un encuesta chikito cu unico meta pa haya sa kico ta biba entre e lesadornan di noticiacla.com. Manera semper, tur resultado y contesta ta keda anonimo, y ta simplemente un vehiculo pa sinti loke ta biba, entre esnan cu ta lesa noticiacla.com. Pa participa, click AKI. 

  • Gobierno a revoca decision di ‘fusering’ di varios scol na Aruba

    Gobierno a revoca decision di ‘fusering’ di varios scol na Aruba

    ORANJESTAD – Den un intento pa trece paz y trankilidad bek den mundo di enseñansa na Aruba, gobierno a ‘draai bek’ desicionan tuma pa minister di enseñansa Rudy Lampe. Entre e decision, ta conta e decision pa fuseer varios scol cu otro y comberti e scolnan publico den scolnan priva. Esey sinembargo no ta tuma lugar mas. Asina prome minister Evelyn Wever a anuncia diabierna anochi durante e briefing pa COVID-19. E mandatario mientrastanto ta sigura cu e decision tabata tuma hunto cu minister Rudy Lampe. E realidad ta cu e ideanan di e mandatario a wordo ‘teruggedraaid’ debi na e inquietude causa pa e decision di Lampe. 

  • Wever: Colegio San Nicolas no bay cay mas bou di De Schakel

    Wever: Colegio San Nicolas no bay cay mas bou di De Schakel

    ORANJESTAD – Colegio San Nicolas (CSN) lo no cay mas bou di Stichting Onderwijs Combina, cu ta maneha De Schakel entrante e aña escolar nobo. E decision tuma anterior di minister Lampe a keda revoca y revisa. Minister president Evelyn Wever Croes a anuncia esaki diabierna anochi durante e briefing riba COVID0-19. Cu esaki e ta purba trece trankilidad bek den enseñansa, riba e tereno aki y mas asunto cu tambe a wordo para. Loke si ta tuma lugar ta cu lo bin un management team cu durante un aña, hunto cu docentenan di e scol lo delibera posibel implementacion di un asina yama Twee Talig Onderwijs (TTO) ta posibel. E mandatario a sigura cu ta un decision cu minister di enseñansa Rudy Lampe mes a tuma, pero ta conoci cu despues di e protestanan y inquietud, gobierno a cay aden y awor a draai bek e decision aki. 

  • E posibilidadnan cu ta keda pa Minister Marisol Lopez Tromp

    E posibilidadnan cu ta keda pa Minister Marisol Lopez Tromp

    ORANJESTAD – E aña aki Marisol Lopez Tromp (50) ta cumpli 22 aña den politica activo. Por lo menos di punto di bista cu e ora el a subi lista pa prome biaha den un eleccion parlamentario, cuminsando su carera politico. Binti dos aña despues, e pregunta ta cu awor cu e ta den un problema cu partido POR (segun e partido por lo menos), e ta dilanti un otro situacion unda cu (atrobe) e tin cu analisa su carera y wak kico su siguiente paso ta. Si ta pa voto, esaki ta su momento mas abou politicamente cu apenas 497 ricibi durante e ultimo eleccion. Si ta pa su posicion, e ta minister ‘atrobe’ pa 6 luna. E tin cu analisa cu si e ta sigui te e proximo eleccion cu ta otro aña, of ta retira manera cu su partido ta exigi di dje. Si e ta keda como minister, con esaki lo funciona, den ki capacidad y kico ta e posibilidadnan. 

  • Minister Marisol Lopez no ta mira pakico e tin cu retira

    Minister Marisol Lopez no ta mira pakico e tin cu retira

    ORANJESTAD – “Mi ta sumamente sorprendi y tambe babuca pa e cosnan cu a wordo treci dilanti riba mi persona” tabata e prome palabranan di minister Marisol Lopez Tromp, algun ora despues di tende cu su partido ta exigi su retiro. E mandatario a haya un invitacion atardi cerca Gobernador, y despues di dos ora largo, e mandatario a duna prensa su prome declaracion. E contenido di e reunion mes no por a keda divulga y como tal no sa pakico e reunion lo a dura asina largo (casi 2 ora) siendo cu audiencianan normal ta dura entre 30 pa 40 minuut. Mes momento e mandatario ta bisa cu e no ta sinti cu e tin motibo pa retira, y ta warda e carta di partido pa despues e wak ki paso e ta tuma. E hechonan cu e partido a trece dilanti, segun e mandatario pues, no ta motibo pa un minister retira. 

  • Wever: Situacion den partido POR no ta afecta stabilidad politico di Gobierno

    Wever: Situacion den partido POR no ta afecta stabilidad politico di Gobierno

    ORANJESTAD – E situacion cu a surgi internamente den partido POR, no ta afecta e stabilidad politico di gobierno. Asina prome minister Evelyn Wever Croes a declara diabierna mainta despues di a tuma nota di e situacion cu a surgi, unda cu partido POR a exigi retiro di su propio minister. Segun Wever, e ta un asunto interno di partido POR y tin cu wordo trata como tal. A pidi e partido pa atende esaki internamente tambe den un forma responsabel y amicalmente y respetuoso. 

  • aruba airlines
  • Powered by SETAR