Avion di Pakistan International Airways a cay na Karachi

Avion di Pakistan International Airways a cay na Karachi

Posted on 05/22/2020 9:40 am AST | Updated on 05/22/2020 9:42 am AST

KARACHI – Decenas di persona ta posiblemente morto despues di un crash di un avion cu 107 pasahero na Pakistan diabierna mainta. Un avion comercial a crash algun minuut prome cu aterisahe na Karachi, y ta teme cu no tin sobreviviente. E avion di Pakistan International Airlines A-320 tabata bula di Lahore pa Jinnah International Airport, cu 99 pasahero y 8 tripiulante. E alcalde Wasim Akhtar no ta kere cu tin sobreviviente. Tres cas a keda destri, y tabatin morto y herido di casnan den cercania. Tin 10 pa 12 cas cu a keda afecta tambe. E avion a cay den un zona residencial Model Colony. E capitan di e avion tabata purba aterisa pero a aborta esaki y a purba lanta e avion bek. Bulando riba un altura di 525 pia, e avion a perde contacto cu e toren di control. Ta apenas algun dia pasa avionan a cuminsa bula bek despues cu a ground tur avion debi na e pandemia di COVID-19. Buelonan internacional no tabata poni pa cuminsa bula te 31 di mei proximo. 

  • Joe Biden a sigura nominacion Democrata pa eleccion presidencial Mericano

    Joe Biden a sigura nominacion Democrata pa eleccion presidencial Mericano

    WASHINGTON – Candidato presidencial Mericano Joe Biden a gana suficiente delegado diasabra pa sigura su nominacion pa bira e candidato Democrata den e eleccion presidencial di November proximo contra presidente Donald Trump. Asina e portal di noticia Mericano NBC News ta pronostica. 

  • E ta oficial. Partido di presidente Desi Bouterse a perde eleccion na Surnam

    E ta oficial. Partido di presidente Desi Bouterse a perde eleccion na Surnam

    PARAMARIBO – Un siman y mei despues di eleccion na Surnam, e resultado ta official: partido di presidente Desi Bouterse a perde y di opositor Chan Santokhi ta e ganador. VHP (Santokhi) ta haya 20 di e 51 asiento, NDP (Bouterse) ta perde 10 asiento y ta keda cu 16. E resultado inicial tabata cla pero mester a warda 3 di e 639 urnanan electoral. Mientrastanto 4 partido di oposicion a cuminsa traha caba riba e acuerdo di gobernacion. Nan ta spera di por presenta esaki dentro di un luna. Santokhi a bisa di ta dispuesto pa e funcion di presidente. Pero no ta sigur si e lo logra. Pa esaki, mester di 2/3 parti den parlamento. Hunto e cuater partidonan tin 33 asiento y mester di 34 pa e presidencia. Mientastanto a anuncia un lockdown cu ta valido te 12 di juni, debi na COVID19. 

  • Posibel indicacion cu Madeleine McCann a keda asina 13 aña pasa

    Posibel indicacion cu Madeleine McCann a keda asina 13 aña pasa

    BONN – Ministerio publico Aleman a detene un homber di 43 aña pa morto di e mucha Britanico Madeleine McCann 13 aña pasa. E homber ta cera caba pa un sentencia den un otro caso. E corant Bild ta bisa cu Christian B, un pedofiel, lo a secuestra McCann na Portugal y despues asesine. Aña pasa B a keda sentencia pa un otro caso di pedofiel. Cu esaki tin mas chens pa resolve e caso cu tin 13 aña caba ta buscando un solucion pa e caso aki. 

  • Surnam a anuncia otro lockdown debi na aumento di caso di COVID-19

    Surnam a anuncia otro lockdown debi na aumento di caso di COVID-19

    PARAMARIBO – Surnam a anuncia un siman di lockdown fuerte cu ta drenta na vigor diahuebs anochi te diabierna mainta 12 di juni 2020. Asina e vice presidente di e pais, Ashwin Adhin a declara diaranson durante un discurso nacional televisa. E medida ta debi cu e cantidad di casonan positivo di COVID-19 a aumenta di 23 na 54 den corto tempo. Por considera esaki un di dos ola. 

  • Scolnan na varios parti di mundo a bolbe cera debi na COVID19

    Scolnan na varios parti di mundo a bolbe cera debi na COVID19

    AMSTERDAM – Scolnan na Hulanda, Israel y Alemania a cuminsa cera porta debi na COVID-19. Na Hulanda ta trata di un scol basico na Den Haag, unda cu 2 docente a keda contagia. Na Israel tabatin un brote mas grandi unda cu 30 scol basico y secundario a cera. Por lo menos 220 docente y alumno a keda contagia y 10 mil ta den cuarentena. Na Alemania den e ciudad di Göttingen, a cera tur scol bek debi na un brote nobo di COVID-19. Esaki ta si debi na un fiesta priva unda cu 80 hende a keda contagia, entre cual mucha

  • Papa Francisco ta condena morto di George Floyd y ta preocupa cu disturbionan

    Papa Francisco ta condena morto di George Floyd y ta preocupa cu disturbionan

    ROMA –Papa Francisco a yama e morto di e ciudadano Mericano George Floyd na man di agentenan policial como ‘tragico’ y a considera e disturbio na Merca como ‘preocupante. Despues di 8 anochi di protesta na Merca, Francisco a adresa e morto di Floyd diaranson durante su resamento na Vaticano. Segun e pontifice, no por tolera racism y exclusion den cualkier forma y ainda defende e santidad di cada ser humano. Ademas e ta bisa cu mester reconoce cu violancia di e ultimo anochinan ta auto destructivo. E declaracion ey ta hopi inusual pa un pontifice pa haci mencion di un persona pa nomber. Di otro banda, segun Vaticano, e tabata un apelacion special. 

  • Powered by SETAR