Croes: Cabesantenan di scol publico lo no acepta cambio sin mas

Croes: Cabesantenan di scol publico lo no acepta cambio sin mas

Posted on 05/22/2020 8:41 am AST | Updated on 05/22/2020 9:09 am AST

ORANJESTAD – Cabesantenan di scol publico lo no acepta cambio sin mas di minister Rudy Lampe di enseñansa. Ademas e minister ta mustra falta di respet pa scolnan publico. Asina e abogado Desiree Croes ta bisa. Segun Croes, fuera di esun di Dornasol, e ta representa tur otro 16 cabesante di scolnan publico. Den un comunicado, e abogado ta mustra cu ta cu asombro cabesantenan di diferente scolnan publico a tuma nota di e cambionan proponi door di minister di Enseñansa. Den e cambionan aki scolnan publico lo core e riesgo di perde no solamente nan identidad pero tambe tur trabou cu nan a hinca den e.o nan edificio, nan curiculo y nan alumnonan.    

SUGERENCIA DI MINISTER

Entre otro Minister Lampe ta sugerí pa hinca diferente scolnan publico bou scolnan confesional cu base religioso. Haciendo esaki Minister Lampe no solamente ta mustra poco consideración pa cu e libertad di escohencia di e mayornan pero tambe no ta tene cuenta cu e derecho básico riba enseñansa sigun nan filosofía di cada studiante. E derecho aki ta ancra den nos constitución den articulo I. 20 bou di derechonan basico. Croes ta recorda cu un scol publico ta habri pa tur mucha, di cualkier religion of filosofía di vida, sin haci distencion. Scolnan publico na Aruba a mustra cu nan ta traha riba un nivel kwalitativamente halto y cu bon resultado.

MINISTER NO TA SCUCHA NAN

E grupo di cabesantenan di scolnan publico ta sinti cu Minister Lampe no ta scucha nan cu ta esunnan cu sa kico ta come y bebe den Enseñansa, pero ta ponenan un banda y después ta expect cu cabesantenan sigui’e den un plan sin haya un bon splikacion. Te awor e comunicación tabata un “eenrichtingsverkeer”, pues tarea for di minister den direccion di maestronan sin cu e maestro ta haya oportunidad di duna input. E ultimo proposición di cambionan a pasa na mes manera, esta sin puntra opinión profesional di e maestro cu na fin dia ta esun cu mester traha cu loke Minister ta propone.

Fuera di esaki e cabesantenan ta lamenta cu net den e temporada difícil cu docente, mayor y studiante a caba di pasa aden, lo mester sigui un periodo di paz y trankilidad, enves di esey Minister Lampe ta trece incertidumbre y intranquilidad cu su cambionan repentino y sin duna splicacion drechi. Nan Hulanda p.e. ora ta fuseer un scol e peticion aki mester pasa un toets pa por wordo ehucuta, unda entre mas lo mira cu si e fusie aki ta den bienestar di alumno, docente y enseñansa den su totalidad. No por hisa benta cu scolnan publico ni cu docentenan cu añanan largo a duna nan 100% pa nan scol.

NO A ACEPTA CAMBIO SIN MAS

E cabesantenan di scolnan publico pues no lo acepta e cambionan cu Minister Lampe ta propone sin mas. Nan ta sinti cu haciendo esaki nan lo laga tanto e mayornan  como nan alumnonan na caya. Pa e motivo ey a acerca un abogado pa guia- y consehanan den nan afan pa proteha nan scolnan contra desicionnan descabeya di Minister. Na mes momento nan ta spera cu Minister President si dunanan oido y para tur plan di Minister Lampe te ora  cu bin mas claridad riba loke por spera di e cambionan aki y cu si verdaderamente e cambionan aki ta den interes di Enseñansa di Aruba y no di Minister Lampe.

CAMBIO 

"Nos ta spera cu sea minister president of Parlamento para plannan di Minister si no nos lo mester pidi huez pa intermedia. No pa sinta riba stoel di Minister, pero pa mustra Minister riba e derecho constitutional riba libertad di enseñasa cu ta wordo trapa cu pia" Croes ta finalisa bisando. 

  • Web ta inicia 2 proyecto pa reemplasa tuberia den area Playa - Noord

    Web ta inicia 2 proyecto pa reemplasa tuberia den area Playa - Noord

    ORANJESTAD – E situacion sin precedente di COVID-19 a ofrece e oportunidad pa WEB Aruba ehecuta dos proyecto pa reemplasa partinan di tuberia mayor di awa. Bou di circunstancia normal lo tawata casi imposibel pa ehecuta e proyectonan sin afecta nos turismo. Ta trata di dos trayecto di tuberia na L.G. Smith Boulevard y na J.E. Irausquin Boulevard. Diaranson 10 di juni tres diferente contratista local lo inicia e dos proyectonan simultaneamente. Di e forma ey ta haci uzo di e hecho cu actualmente tin menos trafico y bishitante. Ta spera di finalisa e proyectonan dentro di dos luna y mey. Segun e trabou ta progresa, automobilistanan lo experencia desviacion di trafico y parkeo y formamento di fila. Un suplica ta bay na tur automobilista pa baha speed y respeta borchinan di trafico den e areanan concerni. 

  • Asosacion nobo di prensa a topa cu top di polis pa regla miho relacion di trabou

    Asosacion nobo di prensa a topa cu top di polis pa regla miho relacion di trabou

    ORANJESTAD - Diahuebs mainta un delegacion di Asociacion Arubano di Prensa, a sinta na mesa cu un delegacion di Cuerpo Policial Aruba, encabesa pa Altocomisario interino Vanessa Kock. Un reunion cu tabatin como meta pa crea un miho forma di traha entre e dos entidadnan aki.

  • Encuesta: Mayoria chikito na Aruba ta pro pa registra matrimonio mesun sexo

    Encuesta: Mayoria chikito na Aruba ta pro pa registra matrimonio mesun sexo

    ORANJESTAD – Un sentencia recien di corte, ta toca e tema di matrimonio di mesun sexo, y mas specifico, su registracion na Aruba. Corte den un sentencia recien a hala atencion di gobierno cu nan no ta actuando corecto pa wanta e decision si por registra un pareha di mesun sexo na Aruba. Nan ta bisa si, cu corte no por impone y dicidi pa gobierno. 

  • Programa na Telearuba diahuebs riba e reapertura di nos Turismo

    Programa na Telearuba diahuebs riba e reapertura di nos Turismo

    (ADVERTORIAL)

  • SMOA: A haya keho di bullying entre docentenan di Colegio Arubano

    SMOA: A haya keho di bullying entre docentenan di Colegio Arubano

    ORANJESTAD - Directiva (di SMOA) a haya keho di bullying entre docente foi diferente docente y por actua cu man duro pa stop esaki ya cu esaki ta contra tur norma y ley. Asina e presidente di e fundacion Robert Croes ta informa pa medio di un comunicado diaranson merdia. Despues cu merdia un grupo di docente a protesta dilanti di e scol, usando entre otro pancarta, e directiva di SMOA a manda e comunicado. Segun e comunicado, ta parse cu tin un grupito di docente cu ta bully otro docente pa firma pa asina hanja poder awo cu e rector a bandona e scol y, ta haci esaki a base di mentiras. 

  • Lockdown ta e ultimo recurso pa un di dos ola di COVID-19

    Lockdown ta e ultimo recurso pa un di dos ola di COVID-19

    ORANJESTAD – Dado caso Aruba haya su mes confronta cu un di dos ola di coronavirus COVID-19, lo no bay resorta na un lockdown mesora manera a haci 3  luna pasa, sino mas bien lo usa esaki com ultimo remedio. Asina miembro di e COVID-19 Crisis Team di Aruba Sharlene Koolman a bisa recientemente durante un briefing. Esaki ta contesta e preocupacion cu e.o. AHATA a expresa recientemente riba e tema. 

  • Powered by SETAR