Famia di 18 persona guyanes pega na Aruba pa 3 luna caba

ORANJESTAD – Un famia di 18 persona di Guyana ta pega na Aruba pa 3 luna caba. Esaki por lo menos segun un carta habri cu a keda publica diahuebs den e portal principal guyanes Stabroeknews. Com. E persona cu a skibi e carta habri aki yama ‘Sheik Omar’, y ta bisa cu nan ta pega despues di un reunion familiar di 2 siman. Pero despues Aruba a cera frontera y nan ta pega awor pa 3 luna. “Nos falta hopi necesidad manera remedy cu ta necesario pa nos bida diario y no ta facil pa haya esaki debi cu nos no ta residente di Aruba. Nos placa tambe ta cabando” e persona ta skibi. Segun e ‘Omar’, a skibi y yama varios ministerio (no ta bisa cua) y ainda no a haya ningun reaccion positive. E frontera di Guyana ta cera, mescos cu Aruba y no tin fecha pa habri bek. A pidi pa e COVID-19 National Task Force permiti e famia pa bolbe nan pais bek. Lesa e articulo original AKI.