Persecucion ta causa accidente entre polis y e auto en cuestion

ORANJESTAD – Un persecucion entre polis y un chauffeur desobediente a laga tanto e auto di e chauffeur como e auto di polis accidenta. Segun vocero di polis suplente Liliana Rasmijn, awe diahuebs merdia pa mos o menos 12:45 central ta wordo notifica di un auto mitsubishi lancer color blanco coriendo malo y inresponsabel na altura di imeldahof. A manda patruya di biaha na unda ta topa cu dicho auto y ta dune señal pero e chauffeur no ta sigui e ordo di polis. Na retonde di Noord e patruya di strandpolitie ta bin top e mitsubishi lancer blanco y ta tune señal pa e para pero e ta ignora esaki y ta sigui bay direcion Noord. Na altura di Ting Zan e dicho auto ta bira y ta bay dal den e patruya di polis y despues bay dal den cura di cas. E chauffeur a wordo deteni y hiba warda . E auto a wordo confisca pa mas investigacion.  E dos coleganan polis den e patruya ta bon y no a haya nada