Toque de Queda ta adapta orario atrobe entrante diahuebs

ORANJESTAD – E horario di Toque de Queda ta cambia di orario entrante diahuebs 21 di mei 2020, pa 11’or di anochi pa 5’or di mainta. Asina prome minister di Aruba Evelyn Wever Croes a anuncia diaranson anochi durante e briefing di coronavirus. A haci un apelacion ‘dramatico’ pa tene cuenta cu e orario nobo aki, pasobra a ripara cu ora cu a cambia e orario den pasado recien, cu a causa p.e. mas accidente. Pesey a pidi pa  tene cuenta cu esaki. E motibo di e cambio ta pa drenta den e area ‘post corona’. Asina alto comisario interino Vanessa Tjon a añadi na e anuncio aki. 

CAMINDA PUBLICO

E cambio ta cu e control y limitacion ta bay ta solamente riba caminda publico. Esaki ta nifica cu si bo ta na bo cas pafo, bo no lo haya multa. Ta solamente si polis hayabo riba caminda publico. E otro excepcion ta pa trafico maritimo. Riba laman grandi, durante toque de queda piscadornan por ta riba laman pero por controla e persona den e botonan aki.