Video ta capta accidente entre dos auto riba Caracasbaaiweg na Corsou

WILLEMSTAD - Diaranson atardi tabatin un accidente di trafico na Corsou, riba Caracasbaaiweg unda cu dos vehiculo a dal otro unda cu bomberonan mester a asisti. Lo remarcable ta cu e accidente aki a keda registra via cameranan di seguridad, unda cu por mira claramento con e dos autonan ta dal den otro, lagando ambos auto practicamente total loss. Por mira con un auto ta bayendo abou, y ta topa diripiente cu un auto cu ta dicidi di bira man robez y pasa dilanti di e auto contrario. Ambos tabatin velocidad cu a pone cu e impacto tabata fuerte. No ta conoci kico e situacion di esnan den ambos auto tabata. E video ta uno cu ta circula riba rednan social. Noticiacla.com ta desea esnan envolvi hopi forza y pronto recuperacion.