DEN HAAG – Tanto gobierno di Corsou como St Maarten a bay di acuerdo incondicionalmente cu e condicionan cu Hulanda a pone pa e dos islanan por haya fianza. E ultimatum tabata awe diaranson pa 5’or ora di Hulanda (11’or ora di nos). Aruba a acepta di nan for di diabierna merdia ora di Aruba. Awe mainta tempran tur dos isla a manda nan contesta pa secretario di estado Hulandes Raymond Knops, mientras cu St Maarten a manda un carta y despues revoca y bolbe manda un nobo. Tabata awe mainta merdia ora di Hulanda (6’or di Aruba) cu Knops durante su presentacion den Tweede Kamer a confirma cu el a ricibi carta di e respectivo islanan pero no por a confirma ainda si esey tabata nan contesta. Riba insistencia di e miembro van Raak, Knops a bisa cu e no ta bay wak e carta awor, y ta duna e islanan e tempo completo (5’or ora di Hulanda) pa dicidi. Finalmente noticiacla.com a ricibi confirmacion cu ambos a aproba. Mientras cu St Maarten a confirma cu di nan ta incondicional, Corsou si a bisa cu ‘tanten cu e no viola ley’. Esaki pasobra Banco Central di Corsou y St Maarten a manda un carta pa gobierno pa sugeri na no acepta e condicionan sin mas pero si bisa cu nan ta dispuesto pa traha hunto. Lesa e carta AKI.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
WILLEMSTAD – Juan Luis Guerra y 440, Maluma y Jennifer Hudson a keda añadi na e line up pa e proximo Curacao North Sea Jazz Festival na autustus proximo. Juan Luis Guerra ta presenta riba diabierna 30 di augustus y Maluma y Jennifer Hudson riba diasabra 31 di augustus. Fuera di e cantantenan grandi aki, tin Marc Anthony tambe y Eros Ramazoti cu ta presenta tambe durante e festival aki.
WILLEMSTAD – Mientras cu na Aruba, ta wardando kico Ministerio Publico ta bay haci cu e doño cu a maltrata su cacho Khaleesi, te cu e la muri, na Corsou, polis a detene un homber cu a tira un cacho mata. Tabata diadomingo pasa den e bario di Kanga, cu e homber aki di 31 aña a menasa un otro homber cu arma y maltrat’e y tira su cacho mata. E la bira fugitivo, pero finalmente diahuebs mainta 7’or polis a pone man riba dje na Suffisantweg. Despues a tene un entrada hudicial na su cas na Kanga. E homber ta deteni, pendiente e resultado di e investigacion.