Bosman: Na Aruba tin algun ex politico cla pa drenta prison

Bosman: Na Aruba tin algun ex politico cla pa drenta prison

Posted on 05/20/2020 3:24 pm AST | Updated on 05/20/2020 3:25 pm AST

DEN HAAG – Na Aruba tin algun ex politico cu ta cla pa bay cera (den prison). Asina lider di fraccion di partido VVD pa Tweede Kamer Andre Bosman a bisa durante su disertacion diaranson mainta den Tweede Kamer durante e debate riba e fianza cu Hulanda a haci pa e.o. Aruba. Notable ta si cu mientras cu e ta haci mencion di nombernan di ex politiconan di Corsou y St Maarten, e no ta haci mencion di ningun di Aruba. 

MENCION DI POLITICONAN

Mientras cu pa Aruba a haci mencion general di hendenan y cu nan por ta relaciona cu e.o. Serlimar, e ta haci mencion specifico di algun politico pa nomber cu ya caba ta cera. Entre nan Theo Heyliger di St Maarten, George Jamaloodin y Gerrit Schotte di Corsou. E punto ta cu segun Bosman, si Aruba kier sali di e crisis, e mester deshaci di e politiconan bieu y of stop di practica politica bieu. 

GENERACION NOBO

Segun Bosman, ta tempo pa un generacion nobo di politico. E ta referi na e mocion di dje hunto cu colega Van Raak, cu a percura pa mas placa bira disponibel pa investiga casonan di politiconan corupto na Caribe Hulandes. Ora cu a a yega na Aruba, el a bisa :” Y na Aruba tambe tin algun para cla pa bay prison”. 

PROSPERIDAD ECONOMICO

E politico ta sigui bisa cu tin posibilidad economico pa tur tres isla (St Maarten, Aruba y Corsou). Tin suficiente placa pa tur hende tin un salario decente. “Perot anten tin hende, famia cu ta deshaci di presupuestonan y ta hinca placa den nan propio saco, lo keda tin pobresa riba e islanan. E ta referi na e practica di politica di amigo cu ta resulta den un miho trabou enbez di un estudio. Tambe e hecho cu si bo no wordo yuda pasobra bo no ta bay na amen di un par famia riba e isla. “E ora nunca lo no tin prosperidad economico. Y esey mientras cu tin oportunidad”. 

PLACA DISPARCE

E ta puntra unda cu placa a disparce riba e islanan. E ta sigur cu un caminda tin algun persona cu tin un cuenta bancario hopi grandi debi na e fayo aki. Placa pa transaccion di tereno, permiso di trabou ilegal, Casinos, y lugar di hunga placa. 

AYUDO

Pa e partido VVD ta completamente logico cu tin ayudo ta bay pa e islanan. Ayudo di emergencia mesora y tambe defensa ta cla pa yuda. Pero ora mester sostene e presupuesto, ta algo otro. Si e placa ta bay den un pos si fondo, ta placa tira afo. E tres islanan mester reforma y haci palabracion serio riba reforma pa asina por papia di un fiansa di Hulanda. Y no tin espacio pa negosha. E condicionan ta definitivo y no negoshabel. Y e paisnan no mester bay di acuerdo. Pero e ora no tin fiansa tampoco, segun Bosman. 

  

 

  • Aki dos siman Hulandesnan por biaha pa Caribe Hulandes

    Aki dos siman Hulandesnan por biaha pa Caribe Hulandes

    DEN HAAG – Personanan biba na Hulanda por biaha pa Bonaire, Sint Eustatius, Saba, Curaçao, Aruba y St. Maarten entrante 15 di juni 2020. Pero e palabra clave ta ‘probable’. Asina prome minister Hulandes Mark Rutte a anuncia diaranson anochi (ora di Hulanda) durante un conferencia di prensa riba COVID19. Segun Rutte, ta depende di e restriccion di cada un di e islanan aki. Pero pa loke ta Hulanda, no ta prohibi mas pa bula pa nos area. Aruba mientrastanto si no a duna e fecha official pa cual buelonan comercial por cuminsa atrobe. 

  • Avion di KLM ta bolbe gate pasobra pasahero no kier bisti mondkapje

    Avion di KLM ta bolbe gate pasobra pasahero no kier bisti mondkapje

    SCHIPHOL – Un avion di KLM a bolbe gate na Schiphol recientemente pa baha un pasahero cu no tabata kier a bisti su mondkapke. Desde 11 di mei 2020, tur pasahero y tripulante di KLM ta obliga pa bisti un mondkapje durante buelo. Esun cu kite y nenga di bistie, ta wordo considera como un pasahero ‘agresivo’. E vocero di KLM no por a bisa e portal luchtvaartnieuws cua buelo y ki dia e incidente a tuma lugar. E ta un regla nobo di 3 siman pasa. 

  • Hulanda ta kita restriction di biahe dentro di Union Europeo

    Hulanda ta kita restriction di biahe dentro di Union Europeo

    DEN HAAG – E cancelacion di restriccion riba biahe ta drenta na vigor dia 15 di juni proximo y ta conta pa casi tur pais den Union Europeo. Paisnan pafo di Union Europeo ta keda por lo pronto riba codigo oraño. Gabinete Hulandes Rutte lo manda un mensahe durante e suavisacion: Paisnan tin hopi medidanan restrictivo y biahamento no ta sin risico. Esnan cu ta biaha pa exterior, mester tene cuenta cu fronteranan port al cera diripiente atrobe si tin un brote di coronavirus (nobo). E conseho di biahe di Departamento di Relacionan Exterior Hulandes no tin un base huridico. Pero seguronan di biahe si ta usa e medida como un liña di maneho. Cu un codigo oraño y cora, no ta debolbe placa. 

  • Demanda pa Arubianonan na Hulanda bolbe Aruba ta halto

    Demanda pa Arubianonan na Hulanda bolbe Aruba ta halto

    AMSTERDAM – E demanda pa Arubianonan bolbe Aruba for di Hulanda ta halto. Asina minister plenipotenciario pa Aruba na Hulanda Guilfrend Besaril a confirma pa noticiacla.com diabierna mainta. Un mensahe cu a post riba e pagina di facebook di Arubahuis a hala atencion:” Gobierno di Aruba ta den deliberacion pa pone un vuelo disponibel di Hulanda pa Aruba. E dia exacto di e vuelo di KLM di Amsterdam pa Aruba no ta sigur ainda. “Sinembargo nos ta haci un yamada na tur Arubiano cu ta residente (ingezetenen) di Aruba y cu ta desea di regresa nan pais, pa registra na e email [email protected]” e comunicado ta bisa. 

  • KLM cla pa cuminsa buelonan comercial pa islanan ABC atrobe

    KLM cla pa cuminsa buelonan comercial pa islanan ABC atrobe

    SCHIPHOL - KLM kier cuminsa bula bek pa islanan ABC y St Maarten pa comienso di luna di juni awor. Asina su hefe grandi Pieter Elbers ta bisa den un entrevista pa Luchtvaartnieuws Magazine. “Nos kier  start e netwerk mas aleu y ta wak demanda pa pasashi for di e mercado ey” Elbers ta bisa. “Cu tur medida necesario abordo y riba tera, nos ta haci esaki mas sigur posibel”. Durante e coronacrisis KLM a keda bula riba e islanan menciona pa transporta carga, ayudo medico y tambe pasaheronan cu kier a repatria. A bula por lo menos 20 buelo pa busca Hulandesnan pega y tambe esnan di e islanan. 

  • Tamara van Ark ta bira minister Hulandes di Cuido Medico y Deporte

    Tamara van Ark ta bira minister Hulandes di Cuido Medico y Deporte

    DEN HAAG – Actual secretario di estado pa asuntonan social y trabou Tamara van Ark ta bira proximo minister di Cuido Medico y Deporte. Asina Minister Hulandes Presidente Mark Rutte a anuncia diabierna mainta. Ayera noticiacla.com a raporta caba cu e minister actual van Rijn cu ta carga e funcion temporalmente, ta baha.  Van Ark ta asumi su funcion nobo entrante 9 di juli proximo. 

  • Powered by SETAR