Porcentahe di graduado na Colegio Arubano: HAVO: 66%; VWO: 90%

ORANJESTAD - Awe Colegio Arubano a participa na 300 alumno di HAVO y 92 alumno di VWO, ken a obtene nan diploma despues di e prome periodo. E porcentahe di graduado pa HAVO ta 66% y pa VWO ta 90%. An?a pasa, despues di e prome periodo, a gradua pa HAVO 58% y pa VWO 72%. Pa prome biaha den historia di scol, e alumnonan a haci casi tur examen na distancia.

E alumnonan cu no a gradua, por haci herexamen pa 2 materia otro siman. Nan ta haya e resultado dia 5 di juni. An?a pasa, despues di e di dos periodo, e total di examinadonan cu a gradua tabata 70% pa HAVO y 78% pa VWO.

E an?a di examen aki ta uno particular pa motibo de e crisis di Corona. Den luna di maart Minister di Ensen?ansa di Aruba a dicidi, siguiendo e pasonan di Hulanda, cu no lo tin examen central final por escrito. Determinacion di e cifra final di un materia ta a base di e examennan escolar (SE). E diferencia aki no tin influenia riba e balor di e diploma, ni riba e posibilidadnan pa sigui cu un estudio avansa na un HBO of universidad.

Un otro diferencia cu an?anan anterior ta , segun Colegio, cu mester a sigui e medidanan di Corona di gobierno y tabata imposibel pa haci e examennan na scol. P’esey a tuma mayoria di e examennan na distancia. Pa mas informacion por tuma contacto cu: Sen?ora Gilda Kelly