Ceque College tin e miho slagingspercentage preliminar pa MAVO

ORANJESTAD – Segun e resultado preliminar (prome tanda), Ceque  College cu su 96% tin e miho slagingspercentage di scolnan MAVO pa 2020, segun informacion cu noticiacla.com tin den su poder. Ta sigui Mon Plaisir College cu 95%, Filomena College (94%), Juliana School (93%), La Salle College (91%), Colegio San Antonio (91%), Abraham de Veerschool (89%), Maria College (85%), John Wesley College (83%), Colegio San Agustin (78%). Ainda falta her, pa asina e resultado definitivo keda conoci. 

RESULTADO HALTO

Compara cu añanan anterior, e biaha aki e resultado ta mas halto pa tur scol mirando cu no tabatin eind examen y a basa e resultado riba e 3 schoolonderzoeken. Y esaki tabatin consecuencia cu e resultado pues tabata basta mas halto. Normalmente e promedio di e prome resultado ta de 70 pa 80%, si compara esaki cu e aña aki. Sigur e prome 6 scolnan nan resultado e aña aki. Aña pasa tambe  Ceque College tabata number uno na prome salida, sigui pa Juliana School y La Salle College. E ultimo 4 añanan, Filomena College ta esun cu tabata mas consistente kedando tur 4 aña den e top 3 di e resultado preliminar.