Turistanan cu yega Corsou mester bay den cuarentena obligatorio prome

WILLEMSTAD –  Turistanan cu yega Corsou despues cu e habri su frontera, mester bay den cuarentena obligatorio pa 14 dia, y esaki den un acomodacion apunta. Asina gobierno di Corsou a informa diamars durante un conferencia di prensa riba e tema di plan di recuperacion di turismo. Presidi pa minister di Economia Giselle Mc William, hunto cu oficina di turismo di Corsou (CTB), Curaçao Hospitality and Tourism Association (CHATA) y Curaçao Airport Holding (CAH), nan a presenta e prome fase di e plan. Tur esaki como recuperacion di e crisis di COVID-19.

RICIBI GRUPO SELECTA

E plan ta encera pa ricibi turista den un forma contene unda cu ta acepta un grupo selecto di turista pa bishita Corsou. Lo cuminsa cu Hulanda como e mercado primario. Lo kier bende paketenan na personanan interesa pa bin Corsou, pa un minimo di 7 dia y maximo di 180 dia, y cu ta dispuesto pa bay den cuarentena obligatorio den e prome 14 dianan na un acomodacion asigna. Despues di e periodo di 14 dianan di cuaretena obligatorio, e bishitante ta liber pa scohe un otro acomodacion y tambe disfruta di e pais, teniendo cuenta cu reglanan aplicabel pa comunidad. Si e kier keda menos cu 14 dia, e lo disfruta di su vacacion solamente bou di condicionan mara na e periodo di cuarentena. Tin hotelnan segun CHATA cu lo ta dispuesto pa fungi como un hotel di cuarentena. Lesa e comunicado completo AKI.