Scolnan basico na Hulanda ta habri completamente dia 8 di juni

DEN HAAG – Scolnan basico na Hulanda ta habri completamente atrobe dia 8 di juni. Asina minister presidente Mark Rutte a anuncia diamars anochi (ora di Hulanda). Desde 11 di mei scolnan basico tabata mihtar habri. Esey ta cambia. Scolnan secundario ta habri atrobe, pero dia 2 di juni, despues di Pinksteren. Tur alumno mester tene distancia di 1 meter y mei di otro. Condicion ta si cu e proximo dos simanan ta determina si ta sigur pa habri scol bek. Pa loke ta MBO, HBO y Universidad ta habri dia 15 di juni cu tentamens y examen. A haci e anuncio ey como suavisando e medidanan di coronavirus. Esaki ta responsabel segun e asina yama Outbreak Management Team.  

HORECA

Gobierno ta habri horeca tambe pero despues di Pinksteren. Den un café, restaurant of beach tent por tin 30 hende. E personal pafo y hende pafo no ta inclui. Ta haci excepcion pa cliente di e mesun famia. Clientenan mester haci reservacion y mester tene un conversacion anterior pa wak si e bishita ta forma un risico. Nightclubs ta keda cera.