Grupo di polis a bay den accion pa malcontento contra gobierno

ORANJESTAD – Un grupo di polis a bay den accion awe mainta, pa motibo di mal content cu e forma cu gobierno ta atendiendo cu nan situacion pa loke ta e crisis di Coronavirus. Segun e presidente di e sindicato SPA Joselito Dirkz, a mustra cu nan no tin problema pa entrega parti di nan salario, pero no mishi cu nan asina yama ‘bezoldiging’. Manera ta conoci, Hulanda a pone condicion pa gobierno di Aruba por haya financiamento. Y den esaki a mustra cu trahadonan mester entrega un porcentahe. Aki ta unda cu gobierno a bay di acuerdo, pero sindicato di polis no ta di acuerdo cu e forma con gobierno ta haciendo esaki of e forma con ta aplicando e asunto aki. Pa atende esaki, sindicato di polis a reuni cu su miembronan awe mainta na Renaissance Festival Plaza y despues a marcha bay dilanti Bestuurskantoor unda cu a topa cu minister di husticia Andin Bikker pa a haya mas informacion. Aki e mandatario a priminti e sindicato y polisnan den accion, cu pa awe tardi 2’or nan lo tin un contesta despues di delibera esaki den conseho di minister awe.