Centronan comercial tambe a cuminsa habri bek na Aruba

Centronan comercial tambe a cuminsa habri bek na Aruba

Posted on 05/19/2020 9:51 am AST | Updated on 05/19/2020 9:51 am AST

ORANJESTAD – Manera anuncia, un di e cambionan di regla e siman aki ta cu centronan comercial (Shopping Malls) por a habri bek e siman aki. Por lo menos un di nan a haci esaki dialuna cu ta Renaissance Mall. Pero hunto cu ne, a anuncia un lista di regla pa cumpli cu e guia di Directie Volks Gezondheid. Entre nan, por nota mensahe di guia riba vloer, aparato di hand sanitizers ya for di enrada y pafo di baño. Tambe a restringui aceso na baño na un persona pa biaha. Y a garantisa extra limpiesa despues di caba bishita. E staf lo bisti handschoen y mondkapjes ora cu ta necesario. A minimalisa e lugarnan pa sinta  of a kita esaki completo. Pero asina mes a purba haci e experiencia di haci compras toch placentero. Den e caso specifico aki, nan a pidi pa ssigui e direccion via stickers riba e vloer y tambe na muraya y otro areanan visible. 

  • Powered by SETAR