Docentenan di Colegio Arubano a exigi retiro di directiva di SMOA

ORANJESTAD –   Den un carta di 4 pagina (cu noticiacla.com tin den su poder) cu docentenan di Colegio Arubano rabia a manda pa e.o prome minister di Aruba den fin di siman, nan ta haci mencion di por lo menos 11 punto cu nan ta den desacuerdo cu ne cu e directiva di Stichting Middelbaar Onderwijs Aruba (SMOA) cu ta esun cu ta responsabel pa Colegio Arubano na Playa. E punto principal segun e docentenan, ta cu kier retiro di e directiva actual y cambio di statutonan pa evita cu cosnan por sigui manera cu e ta aworaki. 

RECLAMO

Entre e puntonan menciona, tin cu e directiva lo ta aplicando cambionan no positivo na e scol, cu nan no ta contesta pregunta y nunca ta disponibel pa papia. Ademas, ta haci como si fuera cu Colegio ta un negoshi envez di un scol. Tambe un punto interesante ta cu nan ta sinti cu e directiva kier sinta riba scol di e maneho diario di e scol, strobando e funcionamento di e scol. Cu esaki, nan ta referi tambe na e ultimo retiro di e rector actual, cu por ta consecuencia di e maneho di SMOA segun e docentenan. 

SOLUCION

Como solucion, e docentenan kier retiro di e directiva, pone un directiva nobo, kier pa Bisdom Willemstad cu ta autoridad mas halto di SMOA, intermedia y e.o. revisa e statutonan. Y finalmente busca un directiva nobo y reapunta e rector cu recientemente a retira.  No a pone un tempo define pa gobierno y Bisdom actua.