Ta spera comienso slow pero cu speransa na aeropuerto

Ta spera comienso slow pero cu speransa na aeropuerto

Posted on 05/18/2020 4:06 pm AST | Updated on 05/18/2020 4:08 pm AST

ORANJESTAD – Un comienso slow ta wordo spera na Airport di Aruba. Asina e aeropuerto ta bisa den un comunicado dialuna. Mes momento nan ta bisa cu ‘Tin hopi speransa mirando pa dilanti y tin un lus na final di e tunnel’. Tur esaki segun Jo-Anne Meaux Arends, AAA su Air Service Development Manager. Segun Meaux, Aruba Airport Authority N.V. (AAA) desde e comienso di e crisis a keda den contacto cu tur aerolinea cu ta partner y tambe stakeholdernan cu a wordo afecta door di e impacto global riba trafico aereo. AAA lo sigui comunica cu transparencia door di keda duna update regularmente riba e destinacion y servicio aereo mirando cu AAA lo keda activamente re-evalua strategianan di apertura. Mirando cu turismo ta di suma importancia pa economia di Aruba, AAA lo sigui ta un parti integral di e proceso di recuperacion economico. 

Tur wowo ta riba e industria di aviacion pa asina tur hende hanja sa ki dia lo por biaha atrobe. Dia 8 di mei, Gobierno di Aruba a anuncia cu e frontera lo habri tentativamente entre 15 di Juni pa 1 di Juli 2020. Naturalmente, esaki lo bai man den man cu protocolnan di implementacion extensivo di salud y seguridad cu ta wordo prepara entre a partnernan di e industria. 

Aeropuerto Internacional Reina Beatrix (AUA Airport) ta contento pa comparti un señal positivo. Algun aerolinea a anuncia caba cu nan lo sigui cu nan buelonan internacional den periodo di zomer caba, teniendo nan mes na e reglanan di social distancing di tanto e autoridadnan di salud local y internacional. 17% di e cantidad di servicio semanal pre–Covid19, cu tabata 246, te cu awo a wordo confirma door di e aerolineanan existente. Akibou ta mustra un break down pa cada aerolinea, enfocando riba e nivel di servicio:

NOORD AMERICA 

American Airlines: Buelonan diario pa Miami y Charlotte (14x) / Delta Air Lines: 3x semanal pa Atlanta / United: 1x semanal pa Newark / JetBlue: 9x semanal for di New York (4x) y Boston (5x) / Sunwing: 1x semanal for di Toronto / Air Canada: 1x semanal for di Toronto 

LATINO AMERICA 

Avianca: 2x semanal for di Bogota / Copa: 2x semanal for di Panama 

CARIBE

Aruba Airlines: Buelonan diario (7x) for di Curacao 

Cu e buelonan confirma aki AUA Airport ta spera di procesa mas o menos 2000 pasahero pa siman. E lo ta interesante pa mira con e pandemia lo impacta biahamento a largo plaso cu cambio den e comportacion di e pasahero a corto plaso.

Segun Meaux Arends, comunicando regularmente cu tur stakeholder y creando un comprendimento positivo pa sigura e confiansa den e destinacion por hunga un parti importante pa mantene nan “abordo . " Awo ta e tempo pa intensifica colaboracion y fortifica compromise- y esfuersonan. E magnitud y impacto di e crisis no a cambia nos relacion cu e aerolineanan, al contrario nos a fortalese e laso entre aeropuerto y aerolineanan door di identifica meta y balornan en comun. Nos mensahe principal como destinacion ta cu nos kier traha cu e aerolineanan di forma mas proactivo posibel.”

  • AHATA: Decision di CDC ta obstaculo mas den Aruba su recuperacion economico

    AHATA: Decision di CDC ta obstaculo mas den Aruba su recuperacion economico

    ORANJESTAD – “Merca ta nos mercado turistico principal, y e decision aki di CDC (Center for Disease Control)  ta un obstaculo mas den Aruba su recuperacion economico”. Asina e CEO di AHATA Tisa LaSorte a reacciona pa noticiacla diaranson mainta, relaciona cu e decision di CDC pa obliga tur hende cu biaha pa Merca, pa presenta un test negativo di COVID19 entrante 26 di januari proximo. Segun LaSorte, e bon ta cu Aruba ta bon prepara den sentido cu laboratorionan priva tin e inventario di test pa turista di Merca por hasi nan test na Aruba prome cu biaha bek. Tin te hasta posibilidad di hasi e test na hotel of cas mes. Pero, e no ta kita afo cu e lo tin consecuencia. 

  • Aruba ta conoce otro barera pa turismo cu medida di CDC

    Aruba ta conoce otro barera pa turismo cu medida di CDC

    NEW YORK (AP) — Cualkier persona biahando pa Merca dentro di poco, mester por mustra un test negativo di COVID19 sino e no por drenta. E medida di e Center For Disease Control (CDC) ta drenta na vigor dia 26 di januari proximo. E ta un medida cu varios estado Mericano ta usando caba, incluyendo e mercado mas grandi pa Aruba, pero awor e ta bira uno general obligatorio pa tur estado. Esaki ta nifica cu e ta conta pa tur turista Mericano cu bolbe nan pais despues di nan vacacion. Y e mester tuma lugar dentro di tres dia cu nan biahe ta tuma lugar. Esey ta nifica pues, cu nan tin cu paga dos biaha pa COVID19 test, uno prome cu nan biaha pa Aruba y despues ora nan bolbe. Y consecuentemente manera ofina di turismo di Aruba (ATA) su CEO Ronella Croes ta bisa noticiacla awe mainta, e ta bira un barera adicional cu Aruba tin cu atende cu ne. 

  • Prijs di gasoline ta subi cu casi 10 cen entrante diaranson

    Prijs di gasoline ta subi cu casi 10 cen entrante diaranson

    ORANJESTAD - Minister di Finansas, Asunto Economico y Cultura ta anuncia e prijsnan nobo di benta di combustibel entrante 13 di januari 2021: 

  • Lotto ta puntra si abo ta cla pa bira e siguiente miyonario di Aruba

    Lotto ta puntra si abo ta cla pa bira e siguiente miyonario di Aruba
  • Den luna di December 2020 Aruba a ricibi 44% mas turista cu November

    Den luna di December 2020 Aruba a ricibi 44% mas turista cu November

    ORANJESTAD – Den luna di December 2020 Aruba a ricibi 44% mas turista cu November. Asina oficina di turismo ATA a raporta diadomingo.   

  • AHATA: Perdida ta continua pa companianan cu ta depende di turismo

    AHATA: Perdida ta continua pa companianan cu ta depende di turismo

    ORANJESTAD - Perdida ta continua pa companianan cu ta depende di turismo. Asina e gremio hotelero, Aruba Hotel & Tourism Association (AHATA) ta raporta. Segun e gremio, nan ta acumula e cifranan di ocupacion y prijs di hotelnan tur luna, y ta raporta cu na december tampoco por a yega nivel di break-even. Ocupacion di hotel a crece un tiki compara cu e luna anterior, pero e aña ta cera cu ocupacion na 32% di nivel normal y perdida historico pa companianan den e sector. 

  • Powered by SETAR