DVG: Ta conseha pa mantene distanciamento social na scol

ORANJESTAD - Manera ta conoci, gobierno a indicia cu entrante dialuna 18 di mei, den e di dos nivel di flexibilisacion, scolnan por habri bek. E scolnan cu ta cla pa habri lo habri y e scolnan cu no ta cla no lo habri. Scolnan tur a haña e protocol cu e condicionnan minimo cu nan mester tin in place y cada un lo traha nan propio protocol adicional y informa mayornan di kico ta e medidanan di precaucion cu nan a tuma. Medidanan di higiene ta keda un regla maximo na tur scol. 

DISTANCIA SOCIAL

Pa no bruha muchanan y mantene un regla pa tur hende ta prefera pa mantene awor aki e distancia social tur caminda incluyendo scol.

NORMAL NOBO

Naturalmente cu ora scol habri no ta bay ta manera antes y nos lo bay na un normal nobo cu no lo ta facil pa maestronan, alumnonan y mayornan. Tin hopi mucha contento cu nan por bay scol atrobe cu tur e medidanan di precaucion y esey ta importante pa nos pensa riba bienestar di e mucha.