Dialuna ta kita ‘Shelter in Place’ y samenscholing

ORANJESTAD – Gobierno a anuncia cu entrante dialuna awor, ta elimina e medida conoci como ‘Shelter in Place’, y tambe samenscholing. Asina minister di turismo Dangui Oduber, reemplasando premier Evelyn Wever Croes. Esaki den cuadro entre otro cu ta habri scol bek, cu ta haci dificil pa bo tin e reglanan aki na lugar. Esaki ta cuminsa dialuna 18 di mei cu ta cuminsa e nivel 2 di cambio di normal nobo relaciona cu e crisis di coronavirus. Toque de Queda si lo keda por lo pronto. 

CAMBIONAN EXTRA

Otro cosnan cu ta cambia entrante dialuna, ta p.e. apertura di scolnan, y ta permiti proyecto di construcion, habri shopping malls, misa, cinema, outdoor sport y no contact sport, training y competencia.