Parlamento a aproba ley pa reduci nan salario cu 25% te cu December 2020

ORANJESTAD – Parlamento den forma unanime a vota diabierna merdia pa e concepto di ley pa reduci salario di parlamentarionan cu 25%. Inicialmente tabatin un amienda pa haci esai 20%, pero despues di e reunion di conseho di minister di Reino diabierna mainta, cu a exigi pa esaki ta 25%, a ahusta esaki pa e suma. E reunion tabata mas bien un formalidad unda cu den un rato di ora, a aproba esaki. E ley ta den cuadro di e crisis di COVID-19 unda cu a bay di acuerdo pa den forma di solidaridad cu comunidad, reduci e salario pa un periodo di 9 luna, te cu December di e aña aki. Mester bisa si cu den e condicion di RMR diabierna, ta poni cu e reduccion mester ta a base annual y ‘te proximo aviso’. No ta conoci si lo duna contenido na esaki pa e cuadra cu e palabracion pa termina dia 31 di December di e aña aki. Click AKI, pa wak e ley.