Scolnan EPB ta habri bek comienso di otro luna pa klas 1,2,3

ORANJESTAD - Gobierno a tuma e decision cu scolnan na Aruba por cuminsa habri bek desde 18 di mei benidero. Actualmente e scolnan di EPB ta habri solamente pa klas 4 cu ta bezig cu examen. 

Scol lo habri bek desde 1 di juni pa grupo nan di alumno specifico di klas 1, 2 y 3. Asina e scol su cabesante interino a bisa diabierna den un comunicado. Keda pendiente pa mas informacion tocante con esaki lo wordo organisa. “Nos ta trahando riba un plan segun e protocol di DVG”.  

Mientras tanto nan ta conseha e alumno nan di klas 1, 2 y 3 pa sigui cu e tarea nan digital. E docentenan a traha duro e ultimo siman nan pa pone nan material riba Google Classroom. “ Nos sa cu esaki no tawata tur ora facil pero nos ta hopi orguyoso di nos team. Por pabor keda pendiente pa mas informacion”.