Romar Trading tumando paso pa salvaguardia su futuro

ORANJESTAD – E situacion economico na Aruba debi na e crisis di coronavirus COVI-19 a pone cu varios negoshi na Aruba ta den problema. Un di nan, a dicidi di tuma accion proactivo, pa evita cu mester tuma e medida mas drastico, esta di cera e lugar. Ta trata aki di e compania Romar Trading. E director Milton Harms a confirma na noticiacla.com cu ta trahando riba esaki. “Nos mester adapta na realidad” Harms a bisa. 

RETIRO DI TRAHADO

Pa loke ta posibel retiro di un grupo di trahado, Harms a bisa “ Ultimo cos cu nos kier ta manda hende cas. Nos ta biba aki y ta forma parti di comunidad”. E ta referi na e carta cu a bay pa personal unda cu ta papia cu posibel 50 pa 60 trahado cu lo mester bay cas. 

E SITUACION

Segun Harms, e situacion no ta facil. “ Aña pasa gobierno a subi belasting, accijnzen  riba whisky, ruma vodka, stout beer y tabaco shag. Aruba a bira caro y trahado no tin entrada” el a cuminsa na describe e situacion. “ Nos a paga 100 % maart y april na tur trahado y awor mester actua sino ta perde tur cos” e la sigui bisa. E ta compronde cu e ta duro mester tuma medida. “ Ultimo cos cu nos kier ta manda hende cas” e ta sigui bisa. Contrario na nan negoshi, e ta mustra p.e. cu varios hotel a baha na awa sin paga. Algo cu e no kier haci. Den un carta cu el a manda pa trahadonan, e ta pidi nan comprencion y ta pidi pa nan ahusta manera e plan cu a keda propone. Esaki ta miho cu cera negoshi completo y manda tur hende cas.