Accidentenan a aumenta cu orario nobo di Toque de Queda

ORANJESTAD – Desde cu gobierno a cambia e orario di Toque de Queda, tabatin un aumento di accidente di auto tumando lugar riba nos isla. Esaki prome minister Evelyn Wever a confirma diaranson anochi durante e briefing riba coronavirus. “Tempo cu e Toque de Queda tabata te 9’or, nos no tabata mira accidente serio ta tuma lugar na Aruba. Y nos capacidad na hospital por a wordo dedica mas tanto posibel na locual ta pashentnan di COVID-19” Wever a bisa. Pero cu e cambio di un ora di Toque de Queda, (a cambie di 9’or pa 10’or), ya caba nan ta mira na hospital, hopi mas trauma, hopi mas influencia di alcohol y accidente. Tambe a nota aumento di atraco na cas di hende. E mandatario a haci un apelacion e ora na nos comunidad pa tene cuenta cu e medidanan y coopera cu nos.