Containernan di klapchi cla pa bay nan destinacion mayan mainta

ORANJESTAD – E containernan di klapchi ta poni cla pa wordo transporta pa nan respectivo lugarnan di benta, mientras cu algun lo keda eynan pendiente nan control. NoticiaCla.com a tuma nota di algun rebendedor diabierna atardi cu personalmente a bay check con ta para cu nan cargamento. Loke cu NoticiaCla.com a compronde, ta cu for di marduga, lo cuminsa cu e proceso di habri container y entrega klapchi na nan respectivo rebendedonan. Esaki lo cuminsa banda di 1’or di diasabra marduga, mientras cu pa 6’or di mayan mainta, lo continua cu e proceso aki. Algun rebendedor cu NoticiaCla.com a papia cune, a confirma cu diasabra mainta den careda di 10’or di mainta, nan lo cuminsa bende klapchi. Mes momento cu e benta cuminsa, e control tambe lo cuminsa di parti di e comision di vuurwerk, cu lo haci nan recorido durante curso di dia. Aki nan lo controla si tur e lugarnan di benta, tin nan lugar na ordo.