Parlamento lo no trata e noodwet financien por lo pronto

ORANJESTAD – Parlamento lo no trata e ‘noodwet’ financien tanten cu gobernador no firma e presupuesto. Minister Benny Sevinger papiando na nomber di gobierno diamars, a informa NoticiaCla di esaki. Berdad cu Conseho di Minister a traha e ley aki, y e la yega parlamento. E ley aki simplemente ta bisa cu bo mag bai presta e placa cu bo tin cu paga na e banconan internacional. Ta trata di prestamo cu gobierno di MEP a haci na aña 2004, y nan ta vence 2014. Como tal mester paga un suma di 160 miyon florin. Pa esey e placa ta determina.

Parlamento a bisa gobierno e ora pa no bin cu e ley (noodwet) aki pasobra a aproba e presupuesto den cual e placa aki ta poni. Pues ta na gobernador pa firma esaki. “Nan no ta bay dobla pa un chantage di parti di gobierno” Sevinger a bisa. “Tanten cu gobernador no firma presupuesto, parlamento no ta bay trata e ley aki. E mensahe pa no firma, ta uno delinea den 3 mocion firma diabierna ultimo.

Mientrastanto e situacion financiero di Aruba ta empeorando segun Sevinger. E presupuesto no kier men paga debenan den exterior pero tambe na cas. Esey no ta nifica cu no tin placa fin di luna pa paga salario. Pa otro asuntonan manera onderstand, infrastructura, muchanan cu tin cu studia afo etc. Tur esaki ta den peliger pasobra no tin un presupuesto firma.