Gobierno por lo pronto no ta cla pa kita Toque de Queda

ORANJESTAD – Gobierno no ta cla pa kita e Toque de Queda (TDQ) ainda como medida di precaucion. Asina  prome minister Evelyn Wever Croes a bisa diaranson anochi durante e briefing riba coronavirus. “E TDQ ta un di e ‘flankerende maatregelen’, esta medida cu a compaña full e maneho pa yuda nos bringa e crisis aki” Wever a bisa. A mustra cu nos ta mei mei di dje ainda. A cuminsa flexibilisa si, manera hasta e horario di TDQ. “Pero pa elimina e TDQ esey ainda no ta un punto cu ainda a yega na dje”. E pregunta tabata di noticiacla.com cu si ora habri frontera, lo elimina TDQ mes momento. For di e contesta, por deduci cu esaki lo no ta e caso. Pero, manera cu a sosode den e conferencianan di prensa, debi na e format di pregunta (prensa ta solamente permiti pa haci 2 pregunta (pa medio di whatsapp) y no por haci ‘mas pregunta’ pa aclariacion, no ta mucho cla si cu esaki el a contesta e pregunta tambe. E pregunta na e mandatario, tabata si ora cu habri frontera, lo elimina e TDQ. E pregunta specifico asina, pues no a keda contesta.