Mayoria pasahero cu a yega cu KLM awe tabatin mondkapjes bisti

ORANJESTAD – Manera a keda anuncia, diaranson riba un buelo di KLM for di Hulanda, a yega un grupo di 31 Arubiano cu a keda pega na Hulanda ora cu Aruba a cera frontera. E buelo a keda regla basta lihe y tabata condiciona pa gobierno cu e por tabatin maximo 100 persona abordo. Manera ta conoci tambe, KLM a ordena pa tur pasahero for di comienso di e luna aki, mester biaha cu mondkapjes cu nan mes (e pasaheronan) mester prove. Ora cu e avion a yega, por a nota cu enberdad mayoria di pasahero tabatin nan mondkapje bisti. Algun no tabatin esaki bisti. E intencion ta cu esnan cu a yega awe, mester drenta cuarentena mesora pa 2 siman.