Discusion entre ex mandatario y reportero ta resulta den agresion y detencion di comerciante

ORANJESTAD – Conocido comerciante y propietario di un radio emisora na Aruba, Ralph M. a keda deteni diaranson merdia despues di a agredi reportero di e portal 24ora.com Nelson “Speed” Andrade. Manera tur suceso, e medionan di prensa ta cubri esaki y durante di e candela den cushina di cas di ex minister Otmar Oduber, esaki no tabata diferente. Sinembargo, den e caso aki, e reportero no tabata ‘bon bini’ na e sitio, debi na un guera largo entre e reportero y e ex mandatario. Asina cu e ex mandatario a mira e reportero, el a bay cerca dje pa pidie pa e respeta e hogar. Aki a surgi un discusion entre e ex mandatario y e reportero. E socio di e ex mandatario, esta Ralph M, tambe a yega acerca y dado momento nan lo a agredi otro. E reportero lo a denuncia M, pa cual polis a pasa pa detene M. pa agresion. Video cortesia 24ora.com