Renaissance Aruba dunando bek na comunidad

(ADVERTORIAL)

ORANJESTAD– Mei– Recientemente Renaissance Aruba Resort & Casino a wordo aserca pa Cruz Cora Aruba pa conhuntamente cu Wind Creek Hospitality drenta den un aliansa y aporta na e comunidad di Aruba door medio di cushina cuminda pa esnan mas vulnerabel y afecta pa Covid-19 den nos comunidad.

Gobierno di Hulanda a pidi Cruz Cora pa coordina e ayudo humanitario ricibi pa Aruba, Curacao y St. Maarten. E efecto y consecuencianan di e pandemia Covid-19 ta wordo sinti tur caminda. E impacto den Caribe (Reino Hulandes) ta inmenso, principalmente cu e islanan ta depende di turismo, cu a para completamente. Desempleo a aumenta consecuentemente cu casnan a cuminsa cai bao di e nivel di pobresa. Tin un necesidad urgente pa asistencia. 

Cruz Cora a acerca Renaissance Aruba pa conhuntamente cu Wind Creek Hospitality drenta den un aliansa y cooperacion den forma di asistencia cu pakete, y distribuimento di cuminda cayente pa esnan sin cas y cu no por cushina of cu no por haci compras debi na nan situacion financiero.

Di acuerdo cu Gerente General di Renaissance Aruba, Sr. Paul Gielen; "Nos no a duda ningun momento ora cu Cruz Cora a acerca nos pa yuda. Gran parti di nos miembronan di ekipo ta na cas y tabata dispuesto pa entrega nan tempo na un bo causa; cushinando pa esnan di mas necesidad den nos comunidad". Un aliansa y aporte caminda cu Cruz Cora a entrega locual tabata e ingredientenan necesario pa un dushi cuminda cayente, y na su turno Renaissance Aruba a pone na Cruz Cora su disposición e cushina di Renaissance Convention Center y e miembronan di e ekipo culinario cu a entrega nan tempo pa prepara y cushina esaki y asina entrega 100 cuminda cayente na Cruz Cora.

Cruz Cora a keda apunta pa Ministerio di Asuntonan Interior y Relacion nan di Reino (BZK) pa maneha y distribui e fondo ricibí y provee casnan den situacion mas vulnerabel cu cuminda pa asina e necesidad basico wordo cubri. Renaissance Aruba kier a gradici Cruz Cora pa e confía deposita duna den nos ekipo culinario y ta dispuesto pa sigui duna y yuda e comunidad di Aruba den cualkier forma cu presenta.