Aruba na caminda pa haya su Drive-Inn Theatre bek

ORANJESTAD – Aruba lo por haya su ‘Drive-Inn’ bek. Fuentenan conoci cu e proyecto, a confirma esaki pa noticiacla.com. Hopi detayes no por a duna ainda, pero si cu ta ‘den e tramite’ pa anuncia asina cu tur detayes ta cla pa haci esaki. Mientrastanto trabou di preparacion a cuminsa, en espera di e loke falta pa sigura e proyecto di bira realidad. Un di e puntonan ta cu den tempo di crisis di COVID-19, e por ta un solucion perfecto pa tene cuenta cu ‘distancia’ entre persona, y por usa e autonan pa logra esaki, claro cu reglanan mas specifico. Mester bisa cu e interes na Aruba ta grandi pa un reapertura di e Drive Inn manera cu nos a conoce antes na altura di Kibaima. Awe ainda, aunke cu e pantaya no tey mas, ainda ta referi na e ‘rotonde na Drive Inn’.