Te awor DOW a otorga 187 permiso di construccion di 395 peticion

ORANJESTAD  - DOW a ricibi 395 peticion di construccion y a rechasa 57, relaciona cu e anuncio di COVID-19 pa por habri atrobe pa construccion durante e periodo di crisis. Manera a menciona den e conferencia di prensa di awe. director Marlon Croes a menciona cu desde dialuna 4 di mei 2020, e registracion a habri pa asina companianan por cuminsa registra pa fase 1 di restart di construccion y mantencion. Despues cu na maart ultimo a para tur trabou di construccion debi na e crisis di coronavirus, poco poco a dicidi cu ta habri e seccionan di Aruba. E parti di construccion (limita) tabata na turno for di siman pasa. Awe ta 11 di mei 2020 y en total   a ricibi 395 peticion, y a otorga 158. Awe lo a caba di firma 50 peticionnan cu a keda falta. 16 peticion a wordo ingetrokken y 57 a wordo afgewezen pa motibo cu e peticion tabata incompleto.

DOW kier a recorda cu registracion ta bay solamente via e website www.dow.aw. Riba nos website mester yena e E-form completo y tambe upload e rekisitonan cu ta ser pidi.

Loke ta wordo pidi ta:

- Registro di Camara di Comercio,

- Proyectonan cu mester wordo ehecuta,

- Lista di nombernan di e empleado pa cada compania (maximo 25 persona),

- Copia di e bouwvergunning y

- Persoonsnummer.

Rekisito/exigencia mester ta inscribi na AZV, SVB, DIMP y na DAO.

Ora caba di controla y haya tur cos ta in orde di e 4 compania nan menciona, nos lo email e compania cu e permiso pa asina e por cuminsa. Tambe nos ta pidi pa print e protocol cu a ser poni riba nos website pa tinele na e sitio di construccion.

Ta spera di por a informa tur hende debidamente.