Encuesta di noticiacla.com riba reapertura di frontera di Aruba

ORANJESTAD – Noticiacla.com a publica un siguiente encuesta entre su usuarionan relaciona cu e tema di COVID-19. Mas concreto, si ta bon cu gobierno kier habri frontera be aki 6 siman. Motivacion pa e encuesta, tabata e hecho cu despues cu siman pasa diabierna, gobierno di Aruba a anuncia cu tentativamente lo por habri frontera bek entre 15 di juni y 1 juli proximo, e discussion a surgi si enberdad ta apropia pa habri Aruba bek awor. Esaki si apenas algun dia prome siman pasa, gobierno a anuncia cu ta bay habri Aruba bek completo pero solamente internamente. 

E ENCUESTA

E encuesta ta uno simple, haci entre e mas di 22 mil siguidornan di nos portal riba nos pagina di Facebook, cu e pregunta si ta bon idea pa habri frontera bek awor caba, y unda cu e contesta por ta un simple si of un no. Manera ta custumber, e ta un indicacion, un pensamento di kico ta biba entre e usuarionan/lesadornan di e portal aki y no necesariament ta un indicacion di e isla completo. 

E RESULTADO 

E encuesta a inicia dialuna mainta tempran y ya pa atardi, por bisa cu e resultado ta uno cu ta indica cu esnan cu a participa, ta divide riba e tema. Te cu dialuna atardi, 54% tabata contra e idea pa habri, mientras cu 46% tabata pro. En total, 3000 persona a participa te awor (e encuesta ta keda 6 dia) di cual e diferencia entre e opcionan ta practicamente identico (pa 200 voto e ta diferencia). Pa participa, por click AKI y busca e encuesta.