SIMAR kier claridad con lo kita salario durante periodo di COVID-19

ORANJESTAD – Sindicato di maestro SIMAR kier clarificacion di gobierno con exactamente ta bay kita parti di nan salario relaciona cu COVID-19. Den un carta cu noticiacla.com a haya den su poder, e presidente Josephine Albertus ta pidi e prome mandatario pa un clarificacion. Ta trata di 5% cu kier kita di e salario tur luna di 1 di mei pa fin di December. Nan (SIMAR) kier tin siguransa cu esaki ta algo temporal y cu e mester ta bon bisti riba p.e e salaris slip. Albertus ta bisa cu no a tende nada mas di gobierno desde cu a tuma e ‘decision unilateral’ recientemente pa reduci salario di ambtenaar, incluyendo maestronan.

SPECIFICACION

Segun Albertus, kier evita cu e forma cu ta bay kita placa, no ta bira uno camufla, cu despues ta resulta cu a mishi cu p.e. e pesioen tambe. Ta trata di e forma di raporta e kitamento di e bezoldiging. A sugeri pa p.e. bin cu un code y yame p.e. COVID Code cu cual por mira exactamente cu ta esey ta e suma cu a kita. Sino ora cu e periodo pasa, no sa exactamente kico ta kico y por bay manipula, y despues bisa cu ‘a duna un aumento bek’ siendo cu esaki no ta loke e suma ‘nobo’ ta despues cu e ‘crisis’ pasa. Lesa e carta AKI.