Acuerdo di crisis entre FTA y Holiday Inn

ORANJESTAD - Den e weekend cu a caba di pasa Federacion di Trahadornan di Aruba (FTA) y Holiday Inn Resort a yega na otro pa loke ta trata compensacion di e empleadonan durante e temporada di crisis.

A acorda cu e hotel lo suplementa e subsidio di salario duna door di Gobierno pa asina e empleadonan por mantene 80% di nan salario mientras cu e crisis ta perdura. Na mes momento a palabra cu e horario di trabao lo wordo recorta cu 20%. Di e forma aki e empleadonan ta mantene tanto nan trabao como nan entrada y e empresa ta haya e espacio financiero pa surpasa e temporada dificil cu nos ta pasando aden.

FTA a gradici Holiday Inn cu cual hotel nan tin casi 50 aña negociando contratonan colectivo, pa nan colaboracion y comprension den e temponan dificil aki.